Iragandako erakusketa

Louise Bourgeois. Izatearen egiturak: gelak

2016.03.18 - 2016.09.04

Sarrera Erakusketa Artista Ba al zenekien

“Espazioa ez da existitzen; gure izatearen egituraren metafora bat baino ez da”. Louise Bourgeois

Louise Bourgeois (1911–2010) xx. mendean itzal handienetakoa izandako artista zen. Askotariko materialak eta formak jorratu zituen eta ia zazpi hamarkada hartzen dituen corpusa sortu zuen.

Artista ibilbide luzean, Bourgeisek hainbat kontzeptu eta ideia formal garatu zituen, gaur egungo artearen funtsezko gai bihurtu direnak; horien artean daude lanak giro jakin bat sortzeko taxutzea, antzezpenarekin lotutako formatuak lantzea eta artelanetan psikoanalisiaren eta feminismoaren inguruko nozioak txertatzea. Bourgeoisen eskultura bereziek, marrazki bikainek eta lan grafikoek ez dute parekorik. Ia hogei urtez landu zituen Gelak eta Bourgeoisen arte-ekoizpen zabaleko eskultura-lan berritzaileenen eta probokatzaileenen artean daude. Emozio anitz arakatzen dituzten espazio arkitektonikoak dira; Gela bakoitza mikrokosmos bat da: barrualdea barneko munduaren isla da eta Gelak berak hesiarena egiten du, kanpoaldetik bakantzen du. Gune berezi horietan zama emozional handiko eszenografiak eraiki zituen artistak, aurkitutako objektuak, jantziak, altzariak eta eskulturak modu jakin batean kokatuz.

Bourgeoisek 60 Gela inguru sortu zituen 1986tik, Artikulatutako gordelekua (Articulated Lair) lana egin eta saila hasi zuen urtetik —seriea hasi baino lehenago egindako bost lan aurrekariak aintzat hartu dira zenbaketan—. Erakusketa honetan lan-multzo horretako adibide ugari bildu dira, inoiz baino kopuru handiagoan.

Gela (Azken Igoera) [Cell (The Last Climb)], 2008
Altzairua, beira, goma, haria eta zura
384,8 x 400,1 x 299,7 cm
Collection National Gallery of Canada, Ottawa
Argazkia: Christopher Burke
© The Easton Foundation / VEGAP, Madril

Erakusketa

ERRETRATU GELAK

Gela XXVI (Cell XXVI), 2003
(xehetasuna)
Altzairua, oihala, aluminioa, altzairu herdoilgaitza eta zura
252,7 x 434,3 x 304,8 cm
Collection Gemeentemuseum Den Haag, Haga, Herbehereak
Argazkia: Christopher Burke
© The Easton Foundation / VEGAP, Madril

DENA OPARI, 2010

Dena opari (I Give Everything Away), 2010 (1. panela)
Akuafortea eta baliabide anitzak paper gainean, sei panel
1. panela: 152,1 x 180,3 cm
2. panela: 152,4 x 185,4 cm
3. panela: 151,8 x 176,9 cm
4. panela: 151,8 x 177,8 cm
5. panela: 152,4 x 269,3 cm
6. panela: 151,8 x 175,3 cm
Bilduma pribatua, honen eskaintza: Hauser & Wirth
Argazkia: Christopher Burke
© The Easton Foundation / VEGAP, Madril

ARTIKULATUTAKO GORDELEKUA, 1986

Artikulatutako gordelekua (Articulated Lair), 1986
Margotutako altzairua, goma eta aulkia
281,9 x 655,3 x 490,2 cm (neurri aldakorrak)
Collection Museum of Modern Art, New York
Argazkia: Allan Finkelman
© The Easton Foundation / VEGAP, Madril

MIRARIEN GANBERA, 1943–2010

Emakume etxea (Femme maison), 1994
Marmol zuria
11,4 x 31,1 x 6,6 cm
Collection Louise Bourgeois Trust
Argazkia: Christopher Burke
© The Easton Foundation / VEGAP, Madril

IGAROBIDE ARRISKUTSUA

Igarobide arriskutsua (Passage Dangereux), 1997 (xehetasuna)
Metala, zura, tapiza, goma, marmola, altzairua, beira, brontzea, hezurrak, lihoa eta ispiluak
264,2 x 355,6 x 876,3 cm
Bilduma pribatua, honen eskaintza: Hauser & Wirth
Argazkia: Maximilian Geuter
© The Easton Foundation / VEGAP, Madril

GELAK I-VI

Gela II (Cell II), 1991 (xehetasuna)
Margotutako zura, marmola, altzairua, beira eta ispilua
210,8 x 152,4 x 152,4 cm
Collection Carnegie Museum of Art, Pittsburgh
Argazkia: Peter Bellamy
© The Easton Foundation / VEGAP, Madril

LOGELA GORRIA (HAURRA) ETA LOGELA GORRIA (GURASOAK)

Logela gorria (Gurasoak) [Red Room (Parents)], 1994 (xehetasuna)
Zura, metala, goma, oihala, marmola, beira eta ispilua
247,7 x 426,7 x 424,2 cm
Bilduma pribatua, honen eskaintza: Hauser & Wirth
Argazkia: Maximilian Geuter
© The Easton Foundation / VEGAP, Madril

Artista

Captura de pantalla 2021 03 02 a las 10 08 18

Bourgeois, Louise

Paris, 1911 | New York, 2010

1911 Irailaren 25ean jaio zen Parisen. 1923 Laguntzen hasi zen bere gurasoen tapizeria-tailerrean. 1932 Baccalauréat-a (bigarren hezkuntzako ikasketak) bukatu zuen eta Sorbonan matrikulatu zen matematikak ikasteko. Hurrengo urteetan,...

Ezagutu artista

Ba al
zenekien...?

BA AL ZENEKIEN...?

Atal hau “Louise Bourgeoisen unibertsoa” izeneko didaktika proiektuaren parte da. Gure garaiko artista gailen honen bizitzari eta lanari hurbiltzeko aukera ematen du. Izan ere, Bourgeoisen arte-ibilbide luze eta oparoa haren bizitzarekin estuki lotuta dago.

pertsona

“Nire izena Louise Josephine Bourgeois da. 1911ko abenduaren 25ean jaio nintzen, Parisen. azken berrogeita hamar urtetan egindako lan guztiek, nire gai guztiek haurtzaroa izan dute inspirazio-iturri. nire haurtzaroak ez du inoiz galdu magia, misterio, drama kutsua”

Giza gorputza

Giza gorputza maiz agertzen da Louise Bourgeoisen artelanetan; askotan zatikatuta eta berriz lotuta. Gorputza oroimenaren metafora bat da: adimenak ere modu zatikatuan prozesatzen baititu bizipenak.

Arkitektura

Louise Bourgeoisek 70 urte baino gehiago zituela hasi zen Gelak egiten. Sail horren bidez arkitektura gune txiki eta intimoak sortu nahi zituen, barruan ibiltzeko modukoak. Beraren burua ezagutzeko tokiak behar zuten, eta bere tamainari egokitutakoak ziren (txikia eta argala zen).

Psikearen garrantzia

Louise Bourgeoisen Gelak sailak zama emozional eta psikologiko handia du. Funtsezko sentimenduak islatzen dituzte lanek, besteren artean, maitasuna, gorrotoa, frustrazioa eta mirespena. Artistak horrela giza emozioen zerizana aztertzen zuen, maiz anbiguoak eta kontrakoak baitira. Horiez gain, beldurra ere agertzen da.

Norberaren oroitzapenak

Gelak lanen funtsezko osagai dira artistaren oroitzapenak eta haren historia pertsonala. Bourgeoisen jardunak ardatz autobiografikoa zuen eta haurtzaroaren garrantzia azpimarratzen zuen; haurtzaroan magia, misterioa eta familian bizitako drama nahastu zitzaizkion, eta gerora horrek eragin handia izan zuen haren bizitzan.

Partekatu