Dantzaldia

Tríptico #1 Estévez / Paños y Compañía

Rafael Estévez eta Valeriano Paños sortzaileek osatzen duten tandemak iraupen labur eta ertaineko hiru koreografia oinarri hartuta diseinatutako programa bat proposatzen digu lehen aldiz. Ikuskizunak, itxuraz, ez du gidatuko duen haririk, eta, bertan, dantzariek elkarri laguntzen diote ahotsa, argia, gorputza nahiz presentzia, instrumentu txikiak zein kantu-grabazio zaharrak erabilita; isiltasunaren, ametsaren edo dantzaren etendura dute inspirazio-iturri.

XXIV. Dantzaldiaren gaualdi berezi honetan, hiru pieza hauez gozatzeko aukera izango dugu: Campanillero, Jesus Peronak interpretatua (2021, 15 min), Nondedeu, Alberto Sellesek interpretatua (2023, 20 min) eta Silencios, Rafael Estévezek eta Valeriano Pañosek interpretatua (2016, 35 min.). Dantzaldia La Fundicionek antolatzen du, eta Museoan aurkezten da TopARTE programaren baitan.

Estévez / Paño y Compañíak 2019ko Dantza Sari Nazionala irabazi zuen (sorkuntza-modalitatean).