Krasner, Lee

Urriaren 27an, Brooklynen (New York) jaio zen Lena Krasner, haren familia judu ortodoxoa Odessatik gertu (orduko Errusia eta gaur egungo Ukraina) zegoen shtetl batetik etorri ondoren, pogromo basatietatik eta gerra errusiar-japoniarretik ihesi.

17 urte zituela graduatu zen, eta Cooper Union-eko Woman’s Art School-en ikasten hasi zen. Denboraldi labur batez Art Students League-n egon ondoren, National Academy of Design-en ikasten jarraitu zuen.

Works Progress Administration-eko (WPA) Fine Arts Project ataleko (FAP) Horma-irudien Dibisioan sartu zuten, artistei lana ematen laguntzeko.

Hans Hofmann School of Fine Arts-en matrikulatu zen.

Lehen aldiz, American Abstract Artists (AAA) elkartearekin jarri zuen ikusgai bere obra, New Yorkeko American Fine Art Galleries-eko American Abstract Artists Fourth Annual Exhibition erakusketan.

McMillen Gallery-n egindako American and French Paintings erakusketaren harira, Krasnerrek Jackson Pollock ezagutu zuen.

Krasnerrek iragarki handiak diseinatu zituen New Yorkeko saltoki handietako erakusleihoetarako, udal-fakultateetan ematen diren gerrarako prestakuntza-ikastaroen publizitatea egiteko.

AAA elkartea utzi zuen, taldearen ikuspegi zurruna zela-eta; izan ere, ez zuen onartu Alexander Calder kide gisa, eta ez zuen nahi izan Hofmannek hitzaldi bat ematea.

San Francisco Museum of Art-ek antolatutako Abstract and Surrealist Art in America erakusketan parte hartu zuen; erakusketa hartan, Sidney Janisek hautatutako obrak zeuden.

Urrian, Krasner eta Pollock ezkondu egin ziren, eta, gero, Springsera (Long Island) joan ziren.

Udaberrian, Krasnerrek aurrerapen handia egin zuen, Irudi txikiak (Little Images) izeneko obra-sail berri batekin.

«Lee Krasner» izena erabiltzen hasi zen testuinguru publiko eta profesionaletan. Irudi txikiak saileko obra batzuk eta mosaikodun mahaietako bat jarri zituen ikusgai New Yorkeko Bertha Schaefer Gallery-ko The Modern House Comes Alive 1948-49 erakusketan; arrakasta handia izan zuten kritikarien artean.

Urrian, haren banakako lehenengo erakusketa inauguratu zen Betty Parsons Gallery-n: Paintings 1951, Lee Krasner. Artistak mihise horietako asko berrerabili zituen 1955ean Stable Gallery-ko banakako erakusketan aurkeztuko zituen collageak sortzeko.

Udan, Profezia (Prophecy) izena izango zuen margolanean aritu zen lanean. Pollockekiko harremana ahulduta zegoen, haren alkoholismoaren ondorioz. Krasner Europara joan zen lehen aldiz, bakarrik; Parisen zegoela, Pollock auto-istripu batean hil zela jakin zuen.

Otsailean, Krasnerren margolan berrienak New Yorkeko Martha Jackson Gallery-n jarri ziren ikusgai, banakako erakusketa batean. Uris Buildings-ek bi mosaiko-panel handi diseinatzeko eskatu zion, Manhattaneko hirigunean zeuzkan bulegoetarako.

Krasnerren ama hil zen. Artistak obra-sail berri bati ekin zion; gauez margotzen zituen, argiztapen artifiziala erabilita, insomnio kronikoa baitzuen. Richard Howardek dolu-irudi gisa deskribatu zituen, eta haietako bakoitza gaueko bidaia batean sortu zela adierazi.

Irailean, Lee Krasner: Paintings, Drawings and Collages atzerabegirakoa inauguratu zen Londreseko Whitechapel Gallery-n.

Martxoan, Krasnerren obra berriaren lehenengo erakusketa egin zen Marlborough-Gerson Gallery-n: Lee Krasner Recent Paintings.

Apirilean, Krasnerrek Women in the Arts taldearekin bat egin zuen, eta pikete batean parte hartu zuen New Yorkeko Museum of Modern Art museoan, erakunde horrek artistei ez ikusi nola egiten dien protesta egiteko.

Azaroan, Whitney Museum of American Art-ek Lee Krasner: Large Paintings aurkeztu zuen, Krasnerrek New Yorkeko museo handi batean egiten zuen banakako lehenengo erakusketa.

Lee Krasner: Collage and Works on Paper, 1933-74 inauguratu zen urtarrilean, Washington D.C.ko Corcoran Gallery of Art-en. Pennsylvania State University Museum of Art-era eta Massachusettseko Brandeis Unibertsitateko Rose Art Museum-era eraman zen erakusketa.

Krasnerrek Pace Gallery-rekin bat egin zuen, eta galeria horretan erakusketa egin zuen hirugarren emakumea bihurtu zen; hurrengo urtean, leku berean, Hamaika modu hitzak ikusteko erabiltzeko (Eleven Ways to Use the Words To See) aurkeztu zuen.

Barbara Roseren Lee Krasner: The Long View dokumentala estreinatu zen.

Krasnerrek Women’s Caucus for Art-en Outstanding Achievement in the Visual Arts saria jaso zuen.

Guild Hall-ek Krasner/Pollock: A Working Relationship erakusketa inauguratu zuen, Barbara Rose komisario zuela; New Yorkeko Unibertsitateko Grey Art Gallery-ra eta Study Center-era eraman zen.

Krasner Chevalier de l’Ordre des Arts et des Lettres izendatu zuten Frantzian, bertako kultura-ministro Jack Langen eskutik.

75 urte bete zituenean, Lee Krasner: A Retrospective erakusketa inauguratu zen Houstongo Museum of Fine Arts museoan, Barbara Rose komisario zuela. San Francisco Museum of Modern Art-era, Chrysler Museum of Art-era (Norfolk, Virginia), Phoenix Art Museum-era (Arizona) eta Museum of Modern Art-era eraman zen erakusketa.

Ekainaren 19an hil zen Krasner, New York Hospital ospitalean.