Ingurumen-erantzukizunaren adirazpena
Ingurumena zaintzea eta garapen jasangarriko printzipioak jarraitzea konpromisotzat hartu ditu Guggenheim Bilbao Museoak.
Konpromiso hori etengabeko lana da: Museoaren xedea da, batetik, bere jardueraren ingurumen-inpaktua murriztea, energia-irtenbide jasangarriak eta kutsatzen ez duten prozesuak garatuz eta ezarriz; eta bestetik, ekoeraginkortasunera bideratutako jarduerak sustatzea.
NEUTRALTASUN KLIMATIKOA 2030 URTERAKO
- 2025 Museoak Gettyren Arte eta Jasangarritasun beka lortu du. Culture for the Planet plataformarekin lotu da Kide Fundatzaile gisa, eta Gallery Climate Coalition – GCCko kide aktibo izaten jarraituko du.
- 2023 Guggenheim Bilbao Museoa Gallery Climate Coalition-en (GCC) parte hartzen duen lehen museoa izatera iritsi zen estatuan. GCC museoen sektorean ingurumen-inpaktua murrizteko lanean diharduten artearen arloko erakundeen nazioarteko komunitatea da.
- 2022 Museoaren Ingurumen Jasangarritasunerako lehen Ekintza Plana garatu zen zeharkako ikuspegiarekin.
- 2021 Gu-Zero sortu zen, Museoko hainbat arlotako pertsonak osatutako lantaldea. Lantaldearen egitekoa da langileei, hornitzaileei eta gizarte-eragileei ingurumenari lotutako gaiei buruzko informazioa ematea, eta horien sentsibilizazioa eta inplikazio lortzea.
- 2021 Ingurumen Jasangarrirako Esparru Estrategikoa definitu zen, Nazio Batuen 2030 Agendako Garapen Jasangarrirako Helburuekin bat eginik.
- 2004 Guggenheim Bilbao Museoak ingurumen kudeaketa-sistemetarako ISO 14001 ziurtagiria eskuratu zuen, eta, geroztik, jasangarritasunak funtsezko lekua izan du erakundearen Plan Estrategikoan.
Eguzki panelak
Gasaren kontsumoa
%
murriztu dugu
Energia elektriko
%
berriztagarria erabiltzen dugu
Guggenheim Bilbao Museoak hogei urte baino gehiago daramatza ingurumen-arloko erantzukizunaren abangoardian
Ezagutu
Eguzki-panelak
Guggenheim Bilbao Museoak 300 eguzki-panel instalatu ditu bere teilatu lauetan. Panel horiei esker, % 5 inguru aurrezten da Museoaren kontsumo elektrikoan, eta erakusketa-areto guztien argiztapen-beharrei erantzuten zaie.