Online arte-ikastaroa: arte moderno eta garaikideko materialek kontatzen dutena 

Ikastaroak eta tailerrak

Online

Museoaren Lagunak

Orokorra

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zehatza jasotzeko gaur egungo ikuspegitik.
Arlo ugaritako adituen parte-hartzearekin, ikastaroen abiapuntua Museoaren Bilduma eta Museoak antolatzen duen askotariko programazio artistiko dinamikoa dira.
Artean erabilitako materialak eta horien osaera, propietate kimikoak zein eraldaketa aztertzea izan da artista askoren kezka nagusietako bat. Ikastaro honek agerian jarri nahi ditu zientziak deskribaturiko material eta fenomeno jakin batzuen erabilerak ezkutatzen dituen istorioak: zergatik erabiltzen diren, nola lortu ziren, zein aplikazio praktiko izan zituzten edo nola eragiten dioten publikoaren esperientzia estetikoari.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek ikasketa-helburu hauek ditu, besteak beste:
<ol>
<li>Funtsezko kontzeptu batzuk ematea arte moderno eta garaikidean material jakin batzuk erabiltzearen garrantziaren, arrazoien eta ondorio tekniko eta estetikoen inguruan.</li>
<li>Oinarrizko kultura zientifikoa eskaintzea, artearen historia zientziaren historiarekin batera gertatzen dela ikusarazteko; materialen zientzia, kimika, ingeniaritza edo fisikaren arloetan izandako aurrerapenek arte modernoan eta garaikidean nola eragin duten (eta alderantziz) ikusarazteko.</li>
<li>Artean erabiltzen diren materialak sortzaileek komunikatzeko darabilten sinbolo-kodearen parte gisa aurkeztea.</li>
<li>Koloreak zenbait egilerentzat duen garrantzia azaltzea, eta ikusleek artea ulertzeko moduarengan duen eragina aztertzea.</li>
<li>Emakume artistei ikusgarritasuna ematea eta haien benetako ekarpenei balioa ematea helburu hauetan sartuz eta XX. eta XXI. mendeetako artearen historian dagokien lekuan kokatuz.</li>
</ol>
Nork emango du 
Deborah Garcia Bello, kimikaria, dibulgatzaile zientifikoa eta arte moderno eta garaikidera aplikaturiko materialen zientziako ikertzailea.
Egitura eta programa <a href="http://cms.guggenheim-bilbao.eus/uploads/2023/10/WEB-PROGRAMA-CURSO-DE-ARTE-ONLINE-MATERIALES-.pdf">[ +info]</a>
&nbsp;

Online arte-ikastaroa: Arte moderno eta garaikideko materialek kontatzen dutena

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zehatza jasotzeko gaur egungo ikuspegitik.

Online arte-ikastaroa: Arte moderno eta garaikideko materialek kontatzen dutena | Guggenheim Bilbao Museoa

Online Arte-ikastaroa. Arte modernoaren eta garaikidearen “Maisu Handiak” 

Emakume batzuek “maistra handi” bezala bete zuten papera aldarrikatzea eta haien lana modu berezian nabarmendu izanaren arrazoiak aztertzea helburu duen ikastaroa. Artearen historiaren tradizioan “maisu handi” adierazpidea erabili izan da beren birtuosismo artistikoagatik gailendu izan diren gizonezko sortzaileez mintzatzeko, eta izendapen horretatik hartua da, hain zuzen ere, ikastaro honen izenburua.
Saioak Susana Blas Brunelek emango ditu —arte garaikidearen historialaria eta artean eta feminismoan aditua—, eta Ikusezinak izatetik protagonista izatera: ezagutu beharreko XX. eta XXI. mendeetako emakume artistak izeneko online ikastaroaren osagarri dira. 
Dedikazioa: 6 ordu, zure erritmoan 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideo-saio eta material gehigarriak 
Ziurtagiria: automatikoa, ikastaroa amaitu ondoren
ZER IKASIKO DUGU? 
<ol>
<li>Emakumeak Artearen Historian izan duen egitekoa eta, bereziki, emakume sortzaile sorta batek izandakoa, haren lana inflexio-puntua izateagatik arte modernoaren eta garaikidearen garapenean.</li>
<li>Egile horien ekarpen artistikoak eta XX. eta XXI. mendeetako Artearen Historian izandako lekua.</li>
<li>Adierazpen artistiko batzuetan emakume horiek izandako paper eragilea eta aitzindaria, erronka eta inposizio sozialei aurre egiteagatik.</li>
<li>Artista horiek narratiba eta kontzeptu bereizle eta benetakoekiko lotura, ezaugarri tekniko hutsekiko lotura aztertu baino gehiago.</li>
</ol>
PROGRAMA
I. modulua: Espiritualtasuna 
Espiritismoa, antroposofia, erradiestesia eta taoismoa bezalako mugimenduei lotutako artista batzuk eta tokiari eta ingurune naturalari lotutako beste batzuk.
<ol>
<li> bideoa: Georgiana Houghton</li>
<li> bideoa: Hilma af Klint</li>
<li> bideoa: Georgia O‘Keeffe</li>
<li> bideoa: Agnes Martin</li>
</ol>
II. modulua: Propaganda 
Beren idealak defendatzeko nahiz salaketa-ekintza gisa konpromiso politikoa eta ideologikoa hartu zuten zenbait emakume artistaren lana aztertuko da modulu honetan.
<ol>
<li> bideoa: Liubov Popova</li>
<li> bideoa: Lenni Riefenstahl</li>
<li> bideoa: Barbara Kruger </li>
<li> bideoa: Julie Mehretu</li>
</ol>
III. modulua: Atzeraelikadura 
Euren obra eta sormen-prozesua energiaren eta informazioaren (izan intelektuala, telurikoa, teatrala edo mentala) etengabeko zirkulazioan oinarritzen duten artistei buruzkoa izango da modulu hau.
<ol>
<li> bideoa: Tarsila do Amaral</li>
<li> bideoa: Ana Mendieta</li>
<li> bideoa: Esther Ferrer</li>
<li> bideoa: Yayoi Kusama</li>
</ol>
IV. modulua: Berdintasuna 
Erronka edo inposizio sozialei berdintasunetik, konfrontaziotik edo fintasunetik aurre egiten dioten emakume artisten lana aztertuko duen modulua.
<ol>
<li>bideoa: Maruja Mallo </li>
<li>bideoa: Guerrilla Girls</li>
<li>bideoa: Kara Walker</li>
<li>bideoa: Mona Hatoum</li>
</ol>
&nbsp;
Argazki-kreditua: Yayoi Kusama Infinituaren isla-gela – Gizakientzako zorion-guraria, unibertsoaz harainditik igorria (Infinity Mirrored Room – A Wish for Human Happiness Calling from Beyond the Universe), 2020.
&nbsp;

BERRIA! Online Arte-ikastaroa. Arte modernoaren eta garaikidearen “Maistra handiak”

Emakume batzuek “maistra handi” bezala bete zuten papera aldarrikatzea eta haien lana modu berezian nabarmendu izanaren arrazoiak aztertzea helburu duen ikastaroa.

BERRIA! Online Arte-ikastaroa. Arte modernoaren eta garaikidearen “Maistra handiak” | Guggenheim Bilbao Museoa

Online Arte-Ikastaroa: Film & Video. Irudia mugimenduan bitarteko artistiko gisa

Hezitzaileak

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.
Arlo bakoitzeko adituen parte-hartzearekin, ikastaroen abiapuntu izaten dira Museoaren Bilduma eta askotariko programazio artistikoa eta dinamikoa.
Duela hamarkada batetik hona, Guggenheim Bilbao Museoaren Film &amp; Video erakusketen programazioan, bitarteko filmiko eta bideografikoek erabiltzen dituzten praktika artistiko garaikideen korronte eta modalitate ezberdinak aztertu dira.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek, besteak beste, ikasteko helburu hauek ditu:
<ol>
<li>Arte garaikidean mugimenduan dagoen irudiaren bilakaeraren ezaugarri nagusiak, adar nagusiak eta aukera mordoa erraz ikas ahal izateko gakoak ematea.</li>
<li>Lan eta proiektu batzuk ezagutzera ematea, Film &amp; Video erakusketa-historia abiapuntu hartuta.</li>
<li>Azterketaren kasuen sekuentzia bat eskaintzea, gaikako la modulutan zatituta.</li>
</ol>
Nork emango du 
Yara Sonseca, artearen historialaria eta komisario independentea.
Egitura eta Programa <a href="http://cms.guggenheim-bilbao.eus/uploads/2024/03/Programa-web-FilmVideo.pdf">[+info]</a>
&nbsp;
Argazkia: 
Christian Marclay 
Erlojua (The Clock) laneko bideo fotograma, 2010 
Kanal bakarreko bideoa, estereo soinuduna 
24 ordu, begiztan 
Hauen eskaintza: artista eta New Yorkeko Paula Cooper Gallery

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.

Online Arte-Ikastaroa: Film &amp; Video. Irudia mugimenduan bitarteko artistiko gisa | Guggenheim Bilbao Museoa

Online Arte-Ikastaroa: Film & Video. Irudia mugimenduan bitarteko artistiko gisa | Guggenheim Bilbao Museoa

Wellbeing bisitaldiak: Begirada barez [+18]

Wellbeing

“Wellbeing artearen bidez” programaren baitan, Begirada barez ekimenak Museoko funts artistikoak lasai eta patxadan behatzeko aukera eskaintzen du. Bildumako hainbat pieza ezagutzeko bisita gidatu hau ibilbide kontziente bat da, oraina bizitzeko aukera ematen duena. Arnasketa-ariketek eta meditazioak artearekin konektatzen lagunduko digute, eta gure lasaitasun- eta ongizate-sentimendua indartuko dute.
Saioaren gidaria: Esther Boulandier 
Iraupena, gutxi gorabehera: 40 minutu 
Plaza-kopurua mugatua da. 
Ez da beharrezkoa aldez aurretik esperientziarik izatea. 
Bisitaldian zehar Museoko aulki ultra-arinak erabili nahi izatekotan, arropazaindegian eska ditzakezu jarduera hasi aurretik.

“Wellbeing artearen bidez” programaren baitan, Begirada barez ekimenak Museoko funts artistikoak lasai eta patxadan behatzeko aukera eskaintzen du.

Wellbeing bisitaldiak: Begirada barez [+18] | Guggenheim Bilbao Museoa

Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Beste jarduera batzuk

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai eta kontzeptuak aztertzen dituzte gaur egungo ikuspegitik azalduta eta erraz ulertzeko moduan, baina beti ere zehaztasunez.
Ikastaroetan arlo bakoitzeko adituek hartuko dute parte, eta Bilduma Propioa eta Museoaren programazio dinamikoa eta askotarikoa izango dira abiapuntua. Ikastaroek ikuspegi orokorra eskaintzea dute xede eta, era berean, jakin-mina eta ezagutzeko eta aztertzeko gogoa piztea.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Jakina denez, emakume artistak itzalean egon izan dira  (salbuespenak salbuespen) harik eta XIX. mendearen amaiera aldera haietako batzuk margolari inpresionisten artean nabarmentzen hasi ziren arte beren sormen-lanari esker.
Guggenheim Bilbao Museoaren lehenengo online ikastaroa Bartzelonako Unibertsitateko Artearen Historiako katedradun emeritua den Lourdes Cirlotek emango du. Ikastaro horretan, emakumeak XX. eta XXI. mendeetako artearen joeretan izan duen protagonismoa aztertuko da. Besteak beste, hauek ikastea da helburua:
<ul>
<li>Artearen historian emakumeak izan duen zeregin ia ikusezina ezagutzea, artegintza moderno eta garaikideko protagonistetako batzuei arreta berezia eskainiz.</li>
<li>Egin zuten benetako ekarpena aztertzea eta XX. eta XXI. mendeetako artearen historian kokatzea.</li>
<li>Adierazpide batzuetan (esaterako, ehungintzan edo performancean) izan duten eragile-lana aztertzea, baita bideo-sorkuntzan egindako ekarpen garrantzitsua ere.</li>
</ul>
Sarrera, egitaraua eta programa <a href="http://cms.guggenheim-bilbao.eus/uploads/2022/01/Sarrera.pdf">[+info]</a> 
Irakaslea 
Lourdes Cirlot, Artearen Historiako katedradun emeritua Bartzelonako Unibertsitatean
&nbsp;

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak | Guggenheim Bilbao Museoa

Arte-ikastaroa

Guggenheim Bilbao Museoaren online arte-ikastaroak aukera paregabea dira arte modernoaren eta garaikidearen historian funtsezkoak diren gai eta kontzeptuen inguruko prestakuntza ulerterraza eta zehatza jasotzeko gaur egungo ikuspegitik. Museoaren Bilduma eta haren erakusketa-programazio anitz eta dinamikoa hartzen dute abiapuntutzat ikastaroek, eta arlo bakoitzeko adituen parte-hartzea izaten dute.
Pop Artearen bereizgarri nagusiak estilo figuratiboa erabiltzea eta herri-kulturako irudiekin etengabe esperimentatzea izan ziren. Herri-kulturaren ikonoen bereganatze horretatik datorkio, hain zuzen, mugimenduari izena. Nahiz eta mugimendua hasiera batean Erresuma Batuan sortu XX. mendearen erdi aldera, berehala hartu zuen indarrik handiena Estatu Batuetan. Garai hartan han bizitako hazkunde ekonomiko azkarrak kontsumismoaren kultura gero eta handiagoa sortu zuen. Merkantilismoaren zabalkundeari erantzuteko, artista batzuek bere lanetan masen kulturatik zetozen irudiak sartu zituzten eta ekoizpen-metodo industrialak imitatzen (edo parodiatzen) zituzten teknika berriak jorratu. Obra horien iturrietako batzuk, adibidez, honako hauek dira: publizitate-hesiak, iragarkiak, filmak, telebista, aldizkari merkeak, komikiak eta baita erakusleiho komertzialak ere.
Ikastaro honen helburua da Pop Arteak nazioarteko eszena artistikoan duen garrantziaren eta izan dituen adierazpenen berri ematea. Mugimenduaren protagonista nagusiak aztertuko ditugu, bai eta gaur egungo praktika batzuetan duen eraginaren ikuspegi zabala eskaini ere.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek ikasketa-helburu hauek ditu, besteak beste:
<ul>
<li>Pop Artearen ezaugarri nagusiak ez ezik, nazioartean mugimendu horren sorrera eta bilakaera erraztu zuen testuinguru politikoa, ekonomikoa, soziala eta kulturala ere ulertzeko aukera ematen duten gakoak eskaintzea.</li>
<li>Mugimenduaren protagonista nagusien lana ezagutzea; horien artean, hainbat emakume artistarena eta baita haien obra ikonikoak ere.</li>
<li>Arte plastikoaz haratago, musika eta moda bezalako beste kultur adierazpen batzuetan izan zuen eragina agerian uztea.</li>
<li>Pop Artearen ondarea eta egungo sormenean duen eragina nabarmentzea, XXI. mendeko ikuspegitik.</li>
</ul>
Nork emango du 
Jose Lebrero Stals, kulturaren eta arte plastikoen kudeatzailea, erakusketen komisarioa. Malagako Picasso Museoko zuzendari artistikoa izan da.
Egitura eta Programa <a href="http://cms.guggenheim-bilbao.eus/uploads/2024/03/Programa-Curso-online-arte-pop-para-web.pdf">[+info]</a>

Online arte-ikastaroa: Pop Artea, atzo eta gaur

Guggenheim Bilbao Museoaren online arte-ikastaroak aukera paregabea dira arte modernoaren eta garaikidearen historian funtsezkoak diren gai eta kontzeptuen inguruko prestakuntza ulerterraza eta zehatza jasotzeko gaur egungo ikuspegitik.

Online arte-ikastaroa: Pop Artea, atzo eta gaur | Guggenheim Bilbao Museoa

Online Arte-ikastaroa: argazkigintza: haren jatorria eta arte garaikidean sartu zenekoa

Argazkigintzaren historiari buruzko ikuspegi orokorra ezagutu eta artearen munduan gainontzeko disziplinen neurrira iristea nola lortu zuen jakin nahi al duzu? Ikastaro honek ibilbide horretan murgiltzeko aukera ez ezik, XIX. mendean dagerrotipoa asmatu zenetik gaur egunera arte egon diren teknika eta protagonista nagusiak ezagutzeko aukera ere eskainiko dizu.
Ikastaroa Jon Uriartek emango du. Argazkilaria eta erakusketa-komisarioa da, eta sareko irudien eraldaketa digitalen inguruan lan egiten du.
Dedikazioa: 6 ordu, zeure erritmoan 
Publikoa: arte garaikidean interesa duten helduak 
Hizkuntza: gaztelania 
Sarbidea: online plataformaren bitartez 
4 modulu, 16 bideo-saio eta material gehigarria 
Ziurtagiria: automatikoki lortzen da behin ikastaroa amaituta
ZER IKASIKO DUGU? 
<ol>
<li>Argazkigintzaren historiari buruzko ikuspegi orokorra, haren aurrekarietatik hasi eta gaur egunera arteko denbora-lerroa.</li>
<li>Dagerrotipoa asmatu zenetik argazkigintza digitalera bitarteko argazki-teknika nagusiak.</li>
<li>Argazkigintzaren garrantzia eta artearen munduan poliki-poliki nola sartu zen. Hastapenetan sormen-prozesuetan laguntzeko tresna soiltzat hartzen bazen ere, arte ederren baitan dagokion lekua hartzera iritsi zen.</li>
<li>Argazkigintza artistikoko eta argazkilaritza funtsezko elementu izan duten beste diziplina batzuetako (hala nola moda) lanen aukeraketa bat.</li>
</ol>
PROGRAMA
Ikastaroa gaikako lau modulutan antolatuta dago, eta zenbait argazkilari eta artista aurkeztuko dira adibide gisa:
I. modulua: Argazkigintzaren jatorria eta denbora-lerroa 
Bilakaera osoa ikusiko dugu, hasi XVI. mendeko kamera ilunetatik, XIX. mendeko dagerrotipo eta kalotipoetara eta gaur egungo “zuk botoia sakatu, gainerakoa geure kontu” joerara.
<ol>
<li> bideoa: Kamera iluna eta optika-estudioak oinarri gisa</li>
<li> bideoa: Dagerrotipoaren asmakuntza eta argazkigintzaren jaiotza “ofiziala”</li>
<li> bideoa: Argazkigintzak liburuarekin eta zinemarekin duen harreman estua.</li>
<li> bideoa: Argazki-kameren ekoizpen industriala eta publiko zabalak irudiekin duen harreman berria</li>
</ol>
II. modulua: Argazkigintza artera iritsi zenekoa 
Denbora luzez, argazkigintza zalantzan jarri zen, eta artistei errealitatea zuzenean irudikatzen laguntzeko tresna soiltzat hartu zen, baina, pixkanaka, artearen munduan sartzen joan zen harik eta XX. mendeko laurogeiko hamarkadatik aurrera diziplina artistikotzat hartu zen arte. Hona hemen zenbait adibide:
<ol>
<li> bideoa: Imogen Cunningham, Diane Arbus</li>
<li> bideoa: Alfred Stieglitz, Seydou Keïta</li>
<li> bideoa: Andy Warhol, Nan Goldin</li>
<li> bideoa: Bern &amp; Hilla Becher, Thomas Struth</li>
</ol>
III. modulua: Argazkigintza eta moda 
Argazkigintzaren eta modaren arteko harremana XIX. mendean hasi zen garai hartako jantziak erakusteko asmoarekin, eta ospe handia hartu zuen 1920. urtetik aurrera, lehen moda-aldizkariak sortu baitziren orduan. XX. mendean zehar, argazkilari ikonikoek sormen-ikuspegia txertatu zuten, eta modako argazkigintzak bilakaera esanguratsua izan zuen. Hona hemen zenbait adibide:
<ol>
<li> bideoa: Richard Avedon</li>
<li> bideoa: Helmut Newton</li>
<li> bideoa: Louise Dahl-Wolfe</li>
<li> bideoa: Corinne Day</li>
</ol>
IV. modulua: Argazkigintza artistikoa aro digitalean 
Gaur egun, smartphone gailuen erabilera masiboa dela-eta, argazkigintza “demokratizatu” egin da, eta batzuetan zail egiten da bereiztea zein den diziplina horrek sorkuntza artistikoaren baitan duen izaera, baita argazkilariek duten papera ere. Gainera, gero eta eztabaida zabalagoa dago sareko irudien eraldaketa digitalaren inguruan. Hona hemen zenbait adibide:
<ol>
<li> bideoa: Andreas Gursky</li>
<li> bideoa: Paul Pfeiffer</li>
<li> bideoa: Penelope Umbrico</li>
<li> bideoa: ImageNet</li>
</ol>
&nbsp;
Thomas Struth (Geldern, Alemania, 1969) 
Publikoa 01, Florentzia 2004 (Audience 01, Florence 2004), 2004 
Koloretako inprimaketa 
Ed.: 7/10 
179,5 x 286,5 cm 
Guggenheim Bilbao Museoa 
© Thomas Struth, Bilbo 2024

BERRIA! Online Arte-ikastaroa: argazkigintza: haren jatorria eta arte garaikidean sartu zenekoa

Argazkigintzaren historiari buruzko ikuspegi orokorra ezagutu eta artearen munduan gainontzeko disziplinen neurrira iristea nola lortu zuen jakin nahi al duzu? Ikastaro honek ibilbide horretan murgiltzeko aukera ez ezik, XIX. mendean dagerrotipoa asmatu zenetik gaur egunera arte egon diren teknika eta protagonista nagusiak ezagutzeko aukera ere eskainiko dizu.

BERRIA! Online Arte-ikastaroa: argazkigintza: haren jatorria eta arte garaikidean sartu zenekoa | Guggenheim Bilbao Museoa

Artea-Ikastaroa Online

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian zein zorrotzean, arte modernoaren eta garaikidearen historiako funtsezko gaien eta kontzeptuen inguruan, gaur egungo ikuspegitik.
Arlo bakoitzeko adituen parte-hartzearekin, eta Bilduma bera eta Museoaren programazio artistiko dinamiko eta askotarikoa abiapuntutzat hartuta, ikuspegi orokor bat emateko eta, aldi berean, jakin-min handiagoa eta ezagutzeko eta aztertzeko gogo handiagoa pizteko diseinatuta daude.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek, besteak beste, ikasteko helburu hauek ditu:
<ul>
<li>Artistak sortzera eramaten dituen eragilea edo motibazioa zein den ezagutzera ematea, artelanak sorrarazten dituen prozesu sortzailearen (fisikoa eta mentala) garrantzia nabarmenduz.</li>
<li>Artistek hainbat lengoaia plastiko erabilita transmititzen dizkiguten istorio eta mezuen bidez, ikuslearengan hainbat aldarte, emozio eta erreakzio nola bilatzen eta/edo pizten dituzten aztertzea, arteari, zenbait kasutan, ongintzazko nolakotasuna emanez.</li>
<li>Artista jakin batzuek beren begiradaren eta testuinguru historikoaren bidez historia idazteko edo berridazteko orduan duten konpromisoa eta artearen boterea agerian uztea.</li>
<li>Arteak, garaikidetasuna ulertuaz, etorkizunerako aukerak nola sortzen dituen nabarmentzea.</li>
</ul>
Ikastaroa nork emango du 
Miguel Lopez-Remiro Forcada, komisarioa eta artearen aholkulari independentea. Malagako Picasso Museoko zuzendari artistikoa
EGITURA, SARRERA ETA PROGRAMA <a href="http://cms.guggenheim-bilbao.eus/uploads/2024/12/PROGRAMA-curso-Estructuras-del-arte-REVISADO.pdf">[+info]</a>

Artea-Ikastaroa Online. Arte garaikidearen egiturak

Arte garaikidearen egiturak: betiko galdera, obrak eta haien esanahiak nola sortzen diren.

Artea-Ikastaroa Online. Arte garaikidearen egiturak | Guggenheim Bilbao Museoa

Arte-ikastaroa online. Gorputza eta identitatea arte garaikidean 

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian baina edukiak sakonki landuz. Arte modernoaren eta garaikidearen historiako funtsezko gaiak eta kontzeptuak aztertzeko ematen dute, gaur egungo ikuspegitik.
Arlo bakoitzeko adituen parte-hartzearekin, eta Guggenheim Bilbao Museoaren Bilduma bera eta Museoaren programazio artistiko dinamiko eta askotarikoa abiapuntutzat hartuta, ikuspegi orokor bat emateko eta, aldi berean, jakin-min handiagoa eta ezagutzeko eta aztertzeko gogo handiagoa pizteko diseinatuta daude.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Oraingoan, Gorputza eta identitatea arte garaikidean ikastaroak helburu hauek ditu:
<ul>
<li>Giza gorputzak XX. eta XXI. mendeetako praktika artistikoan duen garrantzia ezagutzera ematea, irudikapen-motibo gisa ez ezik, sorkuntzarako tresna gisa eta berezko artelan gisa ere.</li>
<li>Nortasunari, generoari eta aniztasunari buruzko gaiek ezarritako kanonei nola aurre egiten dieten eta nola sormen-eredu eta –adierazpen berriak sortzen laguntzen duten aztertzea.</li>
<li>Talde minoritarioetako artistei eta haien ekarpenei ikusgarritasuna ematea, XX. eta XXI. mendeetako artearen historian dagokien lekuan kokatuz.</li>
<li>Egungo testuinguru artistiko globalean, sortzeko modu berrien eta nortasun-eraikuntza berrien panoramika eskaintzea.</li>
</ul>
Egitura, sarrera eta programa <a href="http://cms.guggenheim-bilbao.eus/uploads/2023/03/PROGRAMA-curso-arte-online-Cuerpo-e-Identidad-23-03-15.pdf">[+info]</a>
Hezitzailea 
Aimar Arriolak emango du; komisarioa, editorea eta arte-ikertzailea da
&nbsp;
Elssie Ansareo. El baile de las flâneuses 2007. Guggenheim Bilbao Museoa

Arte-ikastaroa online Gorputza eta identitatea arte garaikidean

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian zein zorrotzean, arte modernoaren eta garaikidearen historiako funtsezko gaien eta kontzeptuen inguruan, gaur egungo ikuspegitik.

Arte-ikastaroa online Gorputza eta identitatea arte garaikidean | Guggenheim Bilbao Museoa

EDUARDO CHILLIDA: HAREN ESKULTURA ZERGATIK DA UNIBERTSALA ETA INTENPORALA? 

Eduardo Chillida (1924-2002) euskal artista XX. mendearen bigarren erdialdeko eskultore garrantzitsuenetarikotzat jotzen da, eta funtsezko irudia da eskultura garaikidearen historian.
Iraganera eta tradizio klasikora egindako begirada pentsamendu eta jarrera garaikide berritzaile eta nekaezinekin konbinatzen da. Hortik dator haren obra eta indarraldia denboragabeak izatea.
Ikastaro honetan, haren obrari buruzko ikuspegia eta XXI. mendeko hogeiko hamarkadako testuinguruko sortze-prozesua eskaintzen dira.
Ikastaroa Kosme de Barañanok emango du, Unibertsitateko katedraduna eta erakusketen komisarioa, Chillidaren obran aditu handienetarikoa.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren.
 ZER IKASIKO DUGU? 
<ol>
<li>Eduardo Chillidaren obraren ezaugarri nagusiak ezagutzeko gakoak, zeintzuk izan ziren haren ekarpenak eta gaur egun zergatik jarraitzen duen indarrean.</li>
<li>Telurikoaren, uraren, naturaren eta argiaren garrantzia haren unibertsoak eta sormen-prozesuan.</li>
<li>Marrazketaren garrantzia, artea egiteko modu guztietan funtsezko tresna eta hari gidari gisa.</li>
<li>Iraunkortasunean, orekan eta lankidetzan oinarritutako proiektu publiko nabarmenenak.</li>
<li>Artistak Guggenheim Museoekin zuen lotura, Guggenheim Bildumetako erakusketa eta obra ugariren bidez.</li>
</ol>
PROGRAMA
I. Modulua. Chillidaren oeuvrea: garapena eta etapak 

Chillidak bere obra esperimentatzen duten ingurune naturalean, ingurune naturalerako eta ingurune natural horren zerbitzura sortzen du. Haren lanean musikak eta soinuak izandako garrantzia ere jorratuko da.
<ol>
<li> Bideoa: Chillida, obrak eta etapak </li>
<li> Bideoa: Chillidaren obraren harrera kritikoa: Gaston Bachelardetik Edmond Jabèsera</li>
<li> Bideoa: Espazioaren kontzeptua </li>
<li> Bideoa: Eskalaren kontzeptua </li>
</ol>
II. Modulua. Marrazkia hari gidari bezala 

Chillidak eskuineko eta ezkerreko eskuekin batera ez ezik, adimenarekin ere marrazten zuen. Nortasun propioa zuen estilo formala lortu zuen. Jorratutako teknika eta diziplina ezberdinen adibideak erakutsiko dira.
<ol>
<li> Bideoa: Marrazkian </li>
<li> Bideoa: Grabatuan </li>
<li> Bideoa: Erlieben</li>
<li> Bideoa: Grabitazioetan </li>
</ol>
III. Modulua. Chillida eta arte publikoa 

Etsipenik ez izateko artearen bidez zentzumenen sublimazioa bilatzerakoan, Chillidak eskulturak instalatzeko gune pribilegiatuak edo orain arte pentsaezinak zirenak aukeratu zituen, eta beste profesional batzuekin elkarlana egitera ere jo zuen, haren obra publiko garrantzitsuenetako batzuek egiteko lana zaila eta desafiatzailea izateagatik.
<ol>
<li> Bideoa: Abesti gogora V, 1966</li>
<li> Bideoa: Haizearen orratza, 1976</li>
<li> Bideoa: Horizontearen gorespena, 1990</li>
<li> Bideoa: Tindaya, proiektua, 1992-1996</li>
</ol>
IV. Modulua. Chillida, nazioarteko museoak eta Guggenheim Museoak 

Artistaren eta Guggenheim Museoen arteko konexioa joan den mendeko berrogeita hamarreko hamarkadaren amaiera aldera gauzatu zen jada, erakusketetan parte hartu baitzuen eta haren obra Guggenheim bildumetan sartu baitzuten geroztik.
<ol>
<li> Bideoa: New Yorkeko Guggenheim Museoan, 1958an, “Sculptures and Drawings From Seven Sculptors” erakusketa kolektiboa egitetik, “Chillida: 1948–1998” atzera begirako erakusketara, Guggenheim Bilbao Museoan, 1999an.</li>
<li> Bideoa: Chillidaren obrak New Yorkeko Solomon R. Guggenheim Museum-en Bilduman. Berrogeita hamarreko eta hirurogeiko hamarkadak.</li>
<li> Bideoa: Obrak Peggy Guggenheim Collection-en. Hirurogeiko eta hirurogeita hamarreko hamarkadak.</li>
<li> Bideoa: Obrak Guggenheim Bilbao Museoko Bilduman. Laurogeita hamareko hamarkada eta bilduma berri baten sorrera.</li>
</ol>
Argazkia: Foto: © Zabalaga Leku, San Sebastián, VEGAP, 2019. Sucesión de Eduardo Chillida y Hauser &amp; Wirth. Foto Jesús Uriarte.

¡BERRIA! Online Arte-Ikastaroa: Eduardo Chillida: Haren eskultura zergatik da unibertsala eta intenporala?

Eduardo Chillida (1924-2002) euskal artista XX. mendearen bigarren erdialdeko eskultore garrantzitsuenetarikotzat jotzen da, eta funtsezko irudia da

¡BERRIA! Online Arte-Ikastaroa: Eduardo Chillida: Haren eskultura zergatik da unibertsala eta intenporala? | Guggenheim Bilbao Museoa

Online ikastaroa. Zer ulertzen dugu eskultura garaikideaz? 

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zorrotza jasotzeko gaur egungo ikuspegitik.
Arlo bakoitzeko adituen parte-hartzearekin, Museoaren Bilduma eta Museoak antolatzen duen askotariko programazio artistikoa hartzen dituzte abiapuntutzat.
Euskaltzaindiaren hiztegiaren arabera, “eskultura” honako hau da:
<ol>
<li>iz. Gai desberdinak erabiliz, bolumena duten formak sortzean datzan artea.</li>
<li>iz. Eskultura-lana.</li>
</ol>
Adiera horiek kontuan hartuta, burura berehala etortzen zaizkigu Milosko Venus, Miguel Angelen David, edota herri edo hiri jakin bateko plaza baten erdian kokatutako zaldizko eskulturaren bat. Hala ere, eskultura da azken mende eta erdian gehien eboluzionatu duen diziplina artistikoa, eta haren benetako esparrua oso urrun dago ezagunagoa egiten zaigun ideia tradizional horretatik.
Ikastaro honetan, “eskultura garaikide” moduan zer ulertzen ote dugun galderari erantzun (posible) bat eman nahi diogu.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Bestak beste, ikasketa-helburu hauek nabarmentzen dira:
<ul>
<li>Funtsezko kontzeptu batzuk ematea XIX. mendearen amaieratik gaur egun arte eskulturak izandako bilakaera erraz ulertu ahal izateko.</li>
<li>Bilakaera- eta aldaketa-prozesu horretan erabakigarriak izan diren zenbait gai formal eta tekniko lantzea; tartean, idulkia ez erabiltzea edo material berriak erabiltzea.</li>
<li>Gaur egun objektua eta espazio eskultorikoa sortzeko dauden modu berriak eta ikuslearekiko interakzioa erakustea.</li>
<li>Emakume artistei eta haien benetako ekarpenei ikusgarritasuna ematea ikastaroaren helburuetan sartuz eta, era horretan, XX. eta XXI. mendeetako artearen historian dagokien lekuan kokatzea.</li>
</ul>
Nork emango du 
Brigitte Leal, Parisko Musée d’art national, Centre Pompidouko zuzendari laguntzaile emeritua
Egitura eta programa <a href="http://cms.guggenheim-bilbao.eus/uploads/2023/09/Estruktura-eta-programa.pdf">[+ info] </a>
&nbsp;
Argazki-kreditua: 
Mona Hatoum, Hogar, 1999 
Zura, altzairu galbanizatua, altzairu herdoilgaitza, kableatu elektrikoa, krokodilo-pintza, bonbillak, erregulagailu komupterizatua, anplifikadorea eta bozgorailuak  
76,2 x 198,1 x 73,7 cm (mahaia) 
Dimentsio osoak, aldakorrak

ONLINE ARTE-IKASTAROA. Zer ulertzen dugu arte garaikidetzat?

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.

ONLINE ARTE-IKASTAROA. Zer ulertzen dugu arte garaikidetzat? | Guggenheim Bilbao Museoa

Bisita Musikatuak: Hilma af Klint

Bisitaldiak

Hilma af Klinten obrak garai hartako musikaren ikuspegitik ezagutzeko bisita gidatua, Patricia Sojo musikologoaren eskutik. XIX. mendearen amaierako eta XX. mendearen hasierako Europan entzuten ziren konposizioetan murgiltzeko eta artista suediarrak kultur esparru horrekin zuen lotura ezagutzeko aukera bikaina da.
Iraupena, gutxi gorabehera: 55 minutu 
Plaza-kopurua mugatua da.

Hilma af Klinten obrak garai hartako musikaren ikuspegitik ezagutzeko bisita gidatua, Patricia Sojo musikologoaren eskutik. XIX.

Bisita Musikatuak: Hilma af Klint | Guggenheim Bilbao Museoa

Mahai-ingurua: Emakume artista bisionarioak, 1900–2000

Hitzaldiak

Hilma af Klint erakusketaren harira, espainiar estatuan XX. mendean izandako emakume artistei buruzko mahai-ingurua antolatu du Museoak. Bartzelonako, Gironako eta Euskal Herriko Unibertsitateetan abian den ALMA – Espainiako artista bisionarioak: espiritualtasuna, feminismoa eta utopia (1900-2000) ikerketa-proiektuaren esparruan garatuko da saioa. Bertan, espainiar estatuko artista garaikideen papera nabarmenduko da, eta Hilma af Klint ere presente izango da erreferente gisa.
Mahai-inguruan honako hauek hartuko dute parte: Maria Lluïsa Faxedas Brujats (Gironako Unibertsitatea) eta Mª Jose Gonzalez (Bartzelonako Unibertsitatea), proiektuaren zuzendariak; eta Garazi Ansa (Euskal Herriko Unibertsitatea), Assumpta Bassas (Gironako Unibertsitatea) eta Pilar Bonet (Bartzelonako Unibertsitatea) irakasle ikertzaileak.
Iraupena, gutxi gorabehera: 90 minutu
*Jarduerak aldaketak izan ditzake.

Hilma af Klint erakusketaren harira, espainiar estatuan XX. mendean izandako emakume artistei buruzko mahai-ingurua antolatu du Museoak. Bartzelonako, Gironako eta Euskal Herriko Unibertsitateetan abian den ALMA

Mahai-ingurua: Emakume artista bisionarioak, 1900–2000 | Guggenheim Bilbao Museoa

Bisita gidatuak 

Lagunak

Erakusketak ezagutzeko aukera bikaina eskaintzen dizugu hilero-hilero gidarien laguntzaz Museoko aretoetan barrena proposatzen dizkizugun ibilbideei esker. Bisitak euskaraz zein gaztelaniaz egin ditzakezu. Zeuk aukeratu eguna eta ordua!
Gogoratu zure eremu pribatuan erakusketei buruzko online edukiak dituzula eskura: entzuteko gidak, komisarioek gidatutako bisitak eta askoz gehiago.
<table width="576">
<tbody>
<tr>
<td width="307">EGUNA</td>
<td width="64">ORDUA</td>
<td width="85"></td>
<td width="119">HIZKUNTZA </td>
</tr>
<tr>
<td width="307">Paul Peiffer</td>
<td width="64">60 min</td>
<td width="85">20 perts.</td>
<td width="119"></td>
</tr>
<tr>
<td width="307">Urtarrilak 10, ostirala</td>
<td width="64">13:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 10, ostirala</td>
<td width="64">18:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 12, igandea</td>
<td width="64">12:00</td>
<td width="85">Talde 1</td>
<td width="119">euskara</td>
</tr>
<tr>
<td width="307">Urtarrilak 12, igandea</td>
<td width="64">18:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 24, ostirala</td>
<td width="64">17:00</td>
<td width="85">Talde 1</td>
<td width="119">euskara</td>
</tr>
<tr>
<td width="307">Urtarrilak 26, igandea</td>
<td width="64">13:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Hilma af Klint</td>
<td width="64">60 min</td>
<td width="85">20 perts.</td>
<td width="119">HIZKUNTZA</td>
</tr>
<tr>
<td width="307">Urtarrilak 17, ostirala</td>
<td width="64">13:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 17, ostirala</td>
<td width="64">17:00</td>
<td width="85">Talde 1</td>
<td width="119">euskara</td>
</tr>
<tr>
<td width="307">Urtarrilak 19, igandea</td>
<td width="64">18:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 19, igandea</td>
<td width="64">13:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 24, ostirala</td>
<td width="64">18:00</td>
<td width="85">Talde 1</td>
<td width="119">gaztelania</td>
</tr>
<tr>
<td width="307">Urtarrilak 26, igandea</td>
<td width="64">18:00</td>
<td width="85">Talde 1</td>
<td width="119">gaztelania</td>
</tr>
</tbody>
</table>

Bisita gidatuak

Erakusketak ezagutzeko aukera bikaina eskaintzen dizugu hilero-hilero gidarien laguntzaz Museoko aretoetan barrena proposatzen dizkizugun ibilbideei esker.

Bisita gidatuak | Guggenheim Bilbao Museoa

Arnasketa kontzienteko saioa

Introspekzioari eta arnasketa kontziente eta konektatuari eskainitako saioa Hilma af Klinten obren aurrez aurre jarrita. Artelanekin buruz buru jartzeak aukera emango digu nor bere barnean murgiltzeko eta piezak behatzean gogora etorri zaizkigun gaien inguruan hausnartzeko. Ismene Madariaga espezialistaren eskutik, eta Wellbeing programaren baitan, sormenezko pentsamendua eta baieztapenak ere landuko ditugu ikuspegi desberdinak integratuz eta norberaren erritmoak errespetatuz. Dinamika horretan, arnasketa kontziente konektatua eta artea modu boteretsuan batzen dira: mundu plastikoak gure zentzumenetan, adimenean eta emozioetan sakontzeko tresna gisa balioko digu.
Iraupena, gutxi gorabehera: 90 minutu 
Plaza-kopurua mugatua da 
18 urtetik gorakoentzat
*Jarduerak aldaketak izan ditzake
&nbsp;

Introspekzioari eta arnasketa kontziente eta konektatuari eskainitako saioa Hilma af Klinten obren aurrez aurre jarrita.

Arnasketa kontzienteko saioa | Guggenheim Bilbao Museoa

Proiekzioak: Teatro Real-en artxiboa 

Eszenan

Teatro Real-en artxiboko proiekzio-ziklo berria opera-ekoizpen handiak, kontzertuak, dantza-ikuskizunak eta antzezlanak ikusteko. Eskainiko den aukeraketan pieza klasikoak nahiz sortu berriak egongo dira ikusgai, eta formatu handian gozatu ahal izango dira.
Garaiz iritsi, mesedez

Proiekzioak: Teatro Real-en artxiboa

Teatro Real-en artxiboko proiekzio-ziklo berria opera-ekoizpen handiak, kontzertuak, dantza-ikuskizunak eta antzezlanak ikusteko.

Proiekzioak: Teatro Real-en artxiboa | Guggenheim Bilbao Museoa

ITP Aero

Abentura artistikoak. Ezkutuko edertasuna 

Familiak

Haurrak eta familiak

Hilma af Klinten bideari jarraituz, konturatuko gara koloreek eta formek begi hutsez ikusten ez diren gauzak irudikatu ditzaketela: sentimenduak, ideiak… Hilma af Klinten pinturek aurkezten duten mundu magikoa aztertuko dugu, eta artistak egiten zituen konposizio paregabeak hartuko ditugu inspirazio-iturri. Mugarik gabe imajina dezagun! Formatu handiko obra bat sortuko dugu margotzeko modu desberdinekin esperimentatuta. Nahi dugun teknika aukeratu ahalko dugu: marrazki abstraktuak, lerroak —kurbatuak nahiz zuzenak—, baita bustia bustiaren gaineko teknika ere, koloreak emeki-emeki nola nahasten eta jariatzen diren ikusi ahal izateko eta formen eta tonalitateen arteko trantsizio magikoak sortzeko. Mugarik gabe sortuz gozatzeko esperientzia izango da.
Saioaren gidariak: Aitziber Aguirre, Andere Etxegarai, Mertxe Periz eta Mónica Rodríguez-Curiel
Urtarrilak 11 (gaztelaniaz), 18 (euskaraz) eta 25 (gaztelaniaz), larunbatak, eta urtarrilak 12 (euskaraz), 19 (gaztelaniaz) eta 26 (euskaraz), igandeak
Adina: 3–5 urte 
Iraupena: 90 minutu 
Hizkuntza: euskara eta gaztelania 
Plaza-kopurua mugatua da.

Abentura artistikoak. Ezkutuko edertasuna

Hilma af Klinten bideari jarraituz, konturatuko gara koloreek eta formek begi hutsez ikusten ez diren gauzak irudikatu ditzaketela: sentimenduak, ideiak…

Abentura artistikoak. Ezkutuko edertasuna | Guggenheim Bilbao Museoa

Baby Art

Gorputzaren mugimendua aztertuko dugu bitarteko artistiko gisa hartuta. Gorputza eta hark eskaintzen dizkigun aukera dinamikoak erabiliko ditugu sortzeko tresna gisa: biraka, jauzika, irristaka, dantzan… Proposamen honetan bi lengoaia plastikok egiten dute bat: arteak eta gorputz-adierazpenak. Jarduera estimuluz jositako jolaserako gunea da, haurtxoen eta beren familien arteko hartu-emana sustatzera bideratua Museoko artelanak elkarrekin ezagutuz joan ahala.
Richard Serraren Denboraren materia osatzen duten eskultura erraldoietan barrena ibiltzeak esperientzia paregabeak eragiten ditu. Koloretako zintak erabiliko ditugu instalazio eskultorikoan zehar egingo ditugun ibilbide pertsonaletan “airea margotzeko”.
Ekintzaz eta esperimentazioz betetako tailer honetan, mugimenduak islatuko ditugu paper gainean kolorearen bidez, trazu geldo eta leunak zein azkar eta kementsuak erabiliz. Gorputz-ekintzak kolorez beteko du espazioa: pinturaz blaitutako objektuak arrastaka mugituko ditugu, pigmentuen arrastoa utziko dugu paper gainean, keinu bidez marraztuko dugu zoruan eta hormetan, pilotak biraraziko ditugu haien estela koloreztatua zabaltzeko.
Urtarrilak 11, larunbata, eta urtarrilak 12, igandea: 12–24 hilabete (gaztelaniaz) 
Urtarrilak 18, larunbata, eta urtarrilak 19, igandea: 6–12 hilabete (euskaraz) 
Urtarrilak 25, larunbata, eta urtarrilak 26, igandea: 24–36 hilabete (gaztelaniaz)
Saioaren gidariak: Aitziber Aguirre, Mertxe Periz eta Mónica Rodríguez-Curiel
Adina: 6–36 hilabete 
Iraupena: 120 minutu 
Hizkuntza: euskara eta gaztelania 
Plaza-kopurua mugatua da.

Gorputzaren mugimendua aztertuko dugu bitarteko artistiko gisa hartuta. Gorputza eta hark eskaintzen dizkigun aukera dinamikoak erabiliko ditugu sortzeko tresna gisa

Baby Art | Guggenheim Bilbao Museoa

Jolas-esperientziak. Pieza solteekin jolasean

Hilma Af Klinten margolanetan oinarritutako jolas ireki eta librea, pieza solteen bidez arte abstraktua esploratzeko eta harekin jolasteko aukera ematen duena.
Zer aurkituko duzu aretoan? Manipulatzeko moduko objektu ugarirekin osatutako instalazio artistikoak, modu intuitiboan sorkuntza-lanean bete-betean murgiltzeko eta bai materialen bai formen ezkutuko aukerak ikertzeko aukera eskainiko dizutenak. Pieza solte txiki eta handien bidez —besteak beste, zirkuluak, obaloak, lerroak, triangeluak, espiralak—, zuzendu gabeko prozesu bat proposatzen da, jolas librea eta ikerketa-jolasa, parte-hartzaile bakoitzak bere mundu ikusezina irudikatzeko modua izan dezan.
Arteak harridura eragiten du askotan, eta emozio horixe izango du gidari pieza soltez osatutako instalazioak aurkezten dituen jarduera honek. Ekimenak hauspotu egiten du gizakiak aldagaiak zalantzan jartzeko duen joera, berezkoa dugun jakin-mina xaxatzen du ”zer gertatuko litzateke…?” galdera luzatuta, eta gure alderdirik irudimentsuena aske uztera animatzen gaitu Museoak eskaintzen duen esparru bizigarrian.
Proposamen efimeroa da, unean unekoa: ez da obra jakin batean hezur-mamitzen. Jarduerak, beraz, ikerketa- eta sorkuntza-prozesuaz zeure erritmora gozatzeko aukera eskainiko dizu, eta jolasak dakarren bizitasun kolektiboan murgilduko zaitu.
Saioaren gidaria: VACA rules!
10:15: 3–5 urteko talde 1
Iraupena: 90 minutu 
Hizkuntza: gaztelania 
Plaza-kopurua mugatua da

Jolas-esperientziak. Pieza solteekin jolasean (Adina: 3–5)

Hilma Af Klinten margolanetan oinarritutako jolas ireki eta librea, pieza solteen bidez arte abstraktua esploratzeko eta harekin jolasteko aukera ematen duena.

Jolas-esperientziak. Pieza solteekin jolasean (Adina: 3–5) | Guggenheim Bilbao Museoa

Marrazten ikasiz: Ikusezin zaiguna 

Ikastaroaren zati honetan, erronka bat luzatuko dizugu: ikusten ez dena marraztea! Izan ere, marrazkiari esker, ikusgai bihurtu dezakegu oraindik irudirik ez duen zerbait.
Marrazki-mota ezberdinak aztertuko ditugu, baita artistek nola marrazten duten eta zertarako marrazten duten ere. Bigarren hiruhileko honetan, itzalak, argiak edo soinuak marrazteko jolasetan parte hartuko dugu, eta ikuspuntuekin esperimentuko dugu. Hainbat teknika erabiltzen ikasiko dugu, hala nola ikatz-ziria, argizari-arkatzak edo Txinako tinta, eta euskarri ugarirekin esperimentatuko dugu.
Ikastaroa hurrenez hurreneko tailer gisa planteatuta dago, eta saioetan, metodoak eta kontzeptuak ikasteaz gain, partaideek eginaren eginez gozatuko dute arteaz. Horrek artelanei begiratzeko beste modu bat eskainiko die, aktiboagoa eta hurbilagoa.
Urtarrilak 25: Ikuspegiak: nondik begiratzen dugu?
Espazioa irudikatzeko modu desberdinak ikasiko ditugu, eta bertan zer leku dugun pentsatuko dugu.
Otsailak 1: Zabaldu irudia
Nolakoa imajinatzen duzu margolan baten mugetatik gaindi dagoena?
Otsailak 8: Itzal misteriotsuak
Itzalen efektuak ezagutuko ditugu eta argi-iluna irudikatzen ikasiko dugu bolumen-sentsazioa sortzeko. Siluetak eta itzalak gure lagun izango dira.
Otsailak 15: Musika ikustea, marrazkia entzutea
Keinuaren eta trazuaren aukerak aztertuko ditugu entzuten ditugun soinuei jarraituz.
Otsailak 22: Marrazki fantasma
Ustekabeko irudi harrigarriak lortuko ditugu hainbat marrazketa-prozedurarekin esperimentatuz: zuriaren gainean zuriz marraztea, tinta isuriz marrazkiak sortzea eta abar.
Martxoak 1: Argia marraztea
Nola islatu argia marrazkiaren paperean? Nola irudikatu distira? Argiak eta itzalak ezinbestekoak dira bolumen- eta sakonera-sentsazioa lortzeko. Eman diezaiegun bizia gure marrazkiei!
Saioaren gidariak: Raúl Domínguez Pazo eta Mónica Martínez
Adina: 6–10 urte 
Iraupena: 90 minutu 
Hizkuntza: gaztelania 
Plaza-kopurua mugatua da

Marrazten ikasiz: Ikusezin zaiguna

Ikastaroaren zati honetan, erronka bat luzatuko dizugu: ikusten ez dena marraztea! Izan ere, marrazkiari esker, ikusgai bihurtu dezakegu oraindik irudirik ez duen zerbait.

Marrazten ikasiz: Ikusezin zaiguna | Guggenheim Bilbao Museoa

Jolas-esperientziak. Pieza solteekin jolasean (Adina: 6–10)

Hilma Af Klinten margolanetan oinarritutako jolas ireki eta librea, pieza solteen bidez arte abstraktua esploratzeko eta harekin jolasteko aukera ematen duena.
Zer aurkituko duzu aretoan? Manipulatzeko moduko objektu ugarirekin osatutako instalazio artistikoak, modu intuitiboan sorkuntza-lanean bete-betean murgiltzeko eta bai materialen bai formen ezkutuko aukerak ikertzeko aukera eskainiko dizutenak. Pieza solte txiki eta handien bidez —besteak beste, zirkuluak, obaloak, lerroak, triangeluak, espiralak—, zuzendu gabeko prozesu bat proposatzen da, jolas librea eta ikerketa-jolasa, parte-hartzaile bakoitzak bere mundu ikusezina irudikatzeko modua izan dezan.
Arteak harridura eragiten du askotan, eta emozio horixe izango du gidari pieza soltez osatutako instalazioak aurkezten dituen jarduera honek. Ekimenak hauspotu egiten du gizakiak aldagaiak zalantzan jartzeko duen joera, berezkoa dugun jakin-mina xaxatzen du ”zer gertatuko litzateke…?” galdera luzatuta, eta gure alderdirik irudimentsuena aske uztera animatzen gaitu Museoak eskaintzen duen esparru bizigarrian.
Proposamen efimeroa da, unean unekoa: ez da obra jakin batean hezur-mamitzen. Jarduerak, beraz, ikerketa- eta sorkuntza-prozesuaz zeure erritmora gozatzeko aukera eskainiko dizu, eta jolasak dakarren bizitasun kolektiboan murgilduko zaitu.
Saioaren gidaria: VACA rules!
12:15: 6–10 urteko talde 1
Iraupena: 90 minutu 
Hizkuntza: gaztelania 
Plaza-kopurua mugatua da

Jolas-esperientziak. Pieza solteekin jolasean (Adina: 6–10) | Guggenheim Bilbao Museoa

Books Alive! School of Wizards

Hilma af Klint erakusketan, artistak naturaz gaindiko kontuekin eta magiarekin lotura zuela iradokitzen duten sinbolo misteriotsuak aurkituko ditugu. Horien atzean dagoen lengoaia enigmatikoa argitzeko, aztikeria-ikasle bihurtuko gara.
Jarduera dibertigarri honi esker, hainbat sorgin karismatiko eta paregabe ezagutuko ditugu, bai aurrez aurre, bai istorioen bidez. Sorginkeriatan aritzen ikusiko ditugu, edabe eta guzti! Eta, azkenik, nork bere kapela sortuko dugu: aztia izan nahi duen ororentzat ezinbesteko osagarria.
Saioaren gidaria: Catalina Martínez-Moro 
Iraupena: 120 minutu 
Adina: 6–10 urte 
Hizkuntza: ingelesa 
Plaza-kopurua mugatua da.

Books Alive! School of Wizards (Adina: 6–10)

Hilma af Klint erakusketan, artistak naturaz gaindiko kontuekin eta magiarekin lotura zuela iradokitzen duten sinbolo misteriotsuak aurkituko ditugu.

Books Alive! School of Wizards (Adina: 6–10) | Guggenheim Bilbao Museoa

Aprendiendo a dibujar: Lo invisible

Ikastaroaren zati honetan, erronka bat luzatuko dizugu: ikusten ez dena marraztea! Izan ere, marrazkiari esker, ikusgai bihurtu dezakegu oraindik irudirik ez duen zerbait.
Marrazki-mota ezberdinak aztertuko ditugu, baita artistek nola marrazten duten eta zertarako marrazten duten ere. Bigarren hiruhileko honetan, itzalak, argiak edo soinuak marrazteko jolasetan parte hartuko dugu, eta ikuspuntuekin esperimentuko dugu. Hainbat teknika erabiltzen ikasiko dugu, hala nola ikatz-ziria, argizari-arkatzak edo Txinako tinta, eta euskarri ugarirekin esperimentatuko dugu.
Ikastaroa hurrenez hurreneko tailer gisa planteatuta dago, eta saioetan, metodoak eta kontzeptuak ikasteaz gain, partaideek eginaren eginez gozatuko dute arteaz. Horrek artelanei begiratzeko beste modu bat eskainiko die, aktiboagoa eta hurbilagoa.
Urtarrilak 26: Ikuspegiak: nondik begiratzen dugu?
Espazioa irudikatzeko modu desberdinak ikasiko ditugu, eta bertan zer leku dugun pentsatuko dugu.
Otsailak 2: Zabaldu irudia
Nolakoa imajinatzen duzu margolan baten mugetatik gaindi dagoena?
Otsailak 9: Itzal misteriotsuak
Itzalen efektuak ezagutuko ditugu eta argi-iluna irudikatzen ikasiko dugu bolumen-sentsazioa sortzeko. Siluetak eta itzalak gure lagun izango dira.
Otsailak 16: Musika ikustea, marrazkia entzutea
Keinuaren eta trazuaren aukerak aztertuko ditugu entzuten ditugun soinuei jarraituz.
Otsailak 23: Marrazki fantasma
Ustekabeko irudi harrigarriak lortuko ditugu hainbat marrazketa-prozedurarekin esperimentatuz: zuriaren gainean zuriz marraztea, tinta isuriz marrazkiak sortzea eta abar.
Martxoak 2: Argia marraztea
Nola islatu argia marrazkiaren paperean? Nola irudikatu distira? Argiak eta itzalak ezinbestekoak dira bolumen- eta sakonera-sentsazioa lortzeko. Eman diezaiegun bizia gure marrazkiei!
Saioaren gidariak: Raúl Domínguez Pazo eta Mónica Martínez
Iraupena: 90 minutu 
Adina: 6–10 urte 
Hizkuntza: gaztelania 
Plaza-kopurua mugatua da.

Irudi digitalari buruzko ikastaroa: Begiratzen ikasi 

Ikastaro honetan, irudi digitalaren bidez istorioak kontatzen ikasiko dugu, eta argazkigintzaren erabilera irudimentsu eta aktiboa sustatuko dugu baita ere. Errealitatea hautemateko dauden modu ugarien inguruan hausnartuz, irudien aurrean begirada kritikoa garatzea da helburua.
Talde-lana bultzatuko dugu irudiak planifikatu eta asmatzeko orduan, sormena erabiliko dugu planteatutako gaiei irtenbidea emateko, eta jolasa, esperimentazioa eta irudimena baliatuko ditugu. Uneko erakusketak eta Museoaren Bilduma bisitatuko ditugu inspirazio bila.
Posible da telefono mugikorra edo tableta ekartzea argazkiak egiteko, baina kamerak ere egongo dira horiek erabiltzea nahiago dutenentzat. Jardueran izena emateko ezinbestekoa da saioetan zehar partaideen irudiak hartzeko baimena onartzea. Baimen hori tutoreei bidaliko diegu jarduera hasi aurretik sina dezaten.
Ikastaroa ikasturte guztian zehar luzatuko da, eta hurrenez hurreneko tailer gisa planteatuta dago.
Urtarrilak 26, igandea: Errealitatea iragaztea
Imajinatu ikusten duzuna, zure inguruan dauden benetako gauzak, alda ditzakezula errealitateari iragazkiak jarriz. Zer egingo zenuke inguruan duzun errealitatea aldatzeko?
Otsailak 2, igandea: Irudiak bizia hartzen duenekoa
Ikasi nola eman diezaiokezun mugimendua irudi bati animazioaren eta bideoaren bidez. Ibilbide bat egitea besterik ez duzu, urratsez urrats, eta zure ideiak pantailan dantzan hasten direla ikusiko duzu.
Otsailak 9, igandea: Argi-jokoekin sortutako efektu magikoak
Argi-, itzal- eta iluntasun-jokoen bidez, argazkitan hartu nahi ditugun objektuetan efektu desberdinak eragiten ikasiko dugu. Argiaren magiak dena aldatzen du!
Otsailak 16, igandea: Nola begiratzen duzu?
Deskoadratu egiten duten enkoadraketak erabiliko ditugu, espazio baten gaineko begirada desberdinak eragiten dituztenak. Begiradak pertzepzioa aldatzen du. Ikuspegi desberdinetatik begiratzen ikasiko dugu gure pertzepzioa eraldatzeko eta esanahi berriak bilatzeko.
Otsailak 23, igandea: Irudi bat, hamaika istorio
Demagun irudi bat botatzen duzula itsasora botila baten barruan. Bat aukeratu beharko bazenu, zein irudi hautatuko zenuke? Zer-nolako istorioak kontatu nahiko zenituzke bertan?
Saioaren gidariak: Borja Gómez, Aitziber Aguirre
Iraupena: 90 minutu 
Adina: 9–12 urte 
Hizkuntza: ele bitan (euskaraz eta gaztelaniaz) 
Plaza-kopurua mugatua da.

Irudi digitalari buruzko ikastaroa: Begiratzen ikasi

Ikastaro honetan, irudi digitalaren bidez istorioak kontatzen ikasiko dugu, eta argazkigintzaren erabilera irudimentsu eta aktiboa sustatuko dugu baita ere.

Irudi digitalari buruzko ikastaroa: Begiratzen ikasi | Guggenheim Bilbao Museoa

Gabonak Familiartean

Lagunentzako Egun Berezia

Art & Music

25. urteurrena

Programa publikoak

TopARTE

Jarduerak

Guggenheim Bilbao Museoaren jardueren egutegia. Kontzertuak, hitzaldiak, ikastaroak, familiarteko jarduerak, proiekzioak, hausnarketa partekatuak...

Jardueren egutegia | Guggenheim Bilbao Museoa

15€ Helduak - 7.5€ Erretiratuak - 7.5€ Ikasleak

Guggenheim Bilbao Museoaren TopARTE ekimenak ingurune hurbileneko erakunde eta eragile kulturalekin duen konpromisoa berretsi nahi du. Elkarlan emankor horren ondorioz, askotariko programa bat sortu da; diziplina anitz biltzen ditu, eduki eta formatu ugari, eta guztiei zuzenduta dago.
Horrenbestez, ekimen horren esparruan, hainbat diziplinatako jarduerak aurkezten dira Museoan; besteak beste, arkitektura, zinema, dantza, diseinua, gastronomia, musika, performancea eta antzerkiarekin erlazionatutakoak.

Non gauden

Irisgarritasuna

Zerbitzuak

Gomendioak

Baliabideak

Inguruan

Argibideak

Ordutegia eta tarifak

Eraikina

Guggenheim Bilbao Museoaren Bildumako artelanak

Nahitaezkoak

Artelanak

Artistak

Kontserbazioa

KOSMO

Bilduma

Prestatu zure bisita

Bisita gidatuak eta taldeak

Ibilbideak

ZERO

Bisita liburua

Lan eskaintzak

Basque Artist Program

Hilla Rebay bekak

BASQUE INTERNSHIPS 2024

Enplegua eta praktikak

Egungo Kide Korporatiboak

Onurak

Ekitaldi korporatiboak

Museoaren irudia

Proiektuak babestea

Enpresen babesa

Kanpoaldea

Barrualdea

Eraikuntza

Frank Gehry

Denak

GBInsights

Bisita birtualak

Esperientziak

Ikuspuntuak

Dokumentalak

<div>
Abandoibarra etorbidea, 2 48009 Bilbo
</div>

HARREMANETARAKO

Argibideak: Museora bisitaldiak, sarreren salmenta, erreserbak, ordutegiak… 
<a href="mailto:informacion@guggenheim-bilbao.eus">informacion@guggenheim-bilbao.eus</a>
Jarri gurekin harremanetan: 
<a href="mailto:contacto@guggenheim-bilbao.eus">contacto@guggenheim-bilbao.eus</a>

#MYGUGGENHEIMBILBAO

Guggenheim Bilbao Museoa

Solomon R. Guggenheim Museum

Peggy Guggenheim Collection

Guggenheim Abu Dhabi

Asteartetik igandera, 10:00etatik 19:00etara <a href="/eu/ordutegia-eta-tarifak">[+info]</a>