Guggenheim
Gerhard Richter | Artistas | Guggenheim Bilbao Museoa

Azken lau hamarkadetan, Gerhard Richter (Dresden, Alemania, 1932) gure garaiko eragin handieneko artisten artean egon da, eta estilo jakin batera mugatu gabe lortu du hori. Era guztietako lanak ekoiztu ditu, eskultura nahiz pintura barne, eta azken horretan egin dituen lanetan paisaiak, kolorez betetako abstrakzioak edo gris monokromoak ikus daitezke. Richterrek arau piktoriko ugariak nola manipulatzen dituen ikusita, garbi geratzen da behaketaren izaera interesatzen zaiola, baita mundua kontzeptualizatzeko erabiltzen ditugun pertzepzio-ereduak ere.

1932

Otsailaren 9an jaio zen Dresden-en, Ekialdeko Alemanian.

1951

Dresden-eko Hochschule für Bildende Künste-n sartu zen eta 1956an graduatu zen. Graduazio-proiektu gisa, hiri hartako Deutsches Hygiene Museum Dresden-en horma-irudi bat pintatu zuen.

1961

Moskura bidaia bat egin ostean, Alemaniako Errepublika Demokratikoa utzi eta Düsseldorf-en (Mendebaldeko Alemania) ezarri zen. Düsseldorf-eko Staatliche Kunstakademie Düsseldorf-en ikasi zuen 1963 arte Karl Otto Götz-en zuzendaritzapean. Bertan ezagutu zituen Sigmar Polke, Blinky Palermo eta Konrad Fischer.

1962

Argazkietan oinarritutako lehen koadroak egin zituen.

1963

Lehen bakarkako erakusketa egin zuen Düsseldorf-eko Mobelhaus Berges-en.

1964

Bakarkako erakusketa egin zuen Düsseldorf-eko Alfred Schmela galerian.

1965

Hund, lehen grabatua, egin zuen zortziko edizioan.

Irakurri gehiago