202 Aretoa

Barbara Krugerrek boterearen lengoaia nola jorratzen duen erakusten duten pieza ahaltsuak biltzen dira areto honetan. Lurrean gorri eta zuri biziz inprimatutako Untitled (Nuestra gente es mejor que la vuestra) (“Gure jendea zuena baino hobea da”) lanak agerian uzten du erretorika politiko jakin batzuek ezkutatzen duten indarkeria. Aretoko argi-zuloa inguratzen duen The globe shrinks —Homi Bhabha teorialariaren “Mundua txikiagotuz doa haren jabe direnentzat” aiputik ateratako izenburua— munduko desberdinkeriaren kritika egiten duen kokapen zehatzeko esku-hartzea da. Hiru kanaleko Pledge, Will, Vow bideo-lanak, berriz, hizkuntza zeremoniatsuarekin jokatzen du “leialtasuna” eta “aberatsagoa” bezalako hitzak beste batzuengatik ordezkatuz. Aretoaren atzealdean, Connect lanak azpimarratu egiten du mundu hiperkonektatu honetan nolako tentsioa dagoen intimitatearen eta alienazioaren artean. Baliabide eta eskala ezberdinak baliatuta, Krugerrek gure bizitzaren iparrorratz diren hitzek daukaten pisu ideologikoaz hausnartzeko gonbidapena luzatzen digu.