Inguruko objektuen abstrakzioak

Artista: Jorge Rubio
Teknika: Argazkia eta collagea
Ikastetxea: Kueto LHI, Sestao
Maila: 5.a
Tutoreak: Luján Mejías eta Desirée Fernández
Arloak eta arloari lotutako gaiak: Ingurunearen Ezaguera eta teknologia

Helburua:

Ikasleei euren eguneroko inguruneari buruzko ikuspegi berri eta orijinala eskaintzea eta, aldi berean, teknologia berriekiko jakin-mina handitzea, tableta digital baten aukera estetikoak eta sormenari lotutakoak ezagutuz.

Materialak:

A3 neurriko akuarela-papera, akuarela-pintura, pintzelak, guraizeak, tabletak edo kamera digitalak eta inprimagailua.

Proiektua:

Tableta edo kamera digital bat erabiliz, ikasle bakoitzak gela inguruko zerbaiti argazkiak atera zizkion.
Eskolan erabili ohi diren elementuei –estutxeak, boligrafoak, guraizeak, motxilak eta abar– argazkiak atera zizkieten, baita horman altxatutako pinturari, lanpara fluoreszenteei edo mahaien arteko junturei ere.
Hurbileko fokatze, kontrapikatu edo ekorketa bidez, objektuen ezaugarri bereizgarriak ezabatzeko eskatu zitzaien ikasleei. Horrela, argazkigintzaren aukerekin esperimentatu zuten.
Era horretan irudi iradokitzaile asko sortu zituzten; horietako batzuk ia abstraktuak.
Egunerokoa eta figuratiboa ia abstraktu bihurtzeko aukera arakatu zuten.
Ateratako argazkiak aztertu eta paperean inprimatzekoak aukeratzen zituzten.
Inprimatutako bi edo hiru irudi ondoan ipiniz ikasle bakoitzak collage bat osatu zuen.
Moztuz, konposatuz eta itsatsiz, ikasleek irudien konposizioen adierazpen-aukerak ikertu zituzten.
Konposizioetan akuarela erabili zuten, irudien adierazgarritasun neurritsua osatzeko.