Sentimenduen basoa

Artista: Elssie Ansareo
Teknika: Eskultura, instalazioa
Ikastetxea: Otxarkoaga LHI, Bilbo
Maila: 2.a
Tutoreak: Begoña Larrinaga eta Aroa Goiri
Arloak eta arloari lotutako gaiak: Matematikak eta Ingurunearen Ezaguera

Helburuak:

Artearen bidez emozioak adieraztea eta emozio horiez jabetzea; emozioak partekatzeko eta irudikatzeko beste modu batzuk ezagutzea.

Materialak:

Poliespan-zilindroak, paperezko tulipa esferikoak, tenpera, brotxak eta pintzelak, koloretako paperak, kola, makiltxoak eta plastilina.

Proiektua:

  1. Gelan sentimenduen gainean eztabaidatu zuten eta honako sentimendu hauek atera ziren: poza, tristura, harridura, haserrea edo beldurra. Nola adierazi horietako bakoitza?
  2. Kolore bakoitzarekin zein sentimendu irudika daitekeen eztabaidatu zuten eta paper gainean zirriborroak egiten dira emozioak irudikatzeko.
  3. Bizitzaren zuhaitzen ohitura mexikarra beste modu batean interpretatu zuten: sentimenduak irudikatzen dituzten zuhaitzak sortu zituzten ikasleek.
  4. Zuhaitz bakoitzak emozio bat irudikatzen du, eta bere koloreak sentimenduekin lotuta daude.
  5. Kolore-kodea erabakitzeko gelak eztabaidatu eta adostu egin izan zuen: horiak alaitasuna adierazten du, gorriak haserrea, urdinak tristura, berdeak harridura eta laranjak beldurra.
  6. Poliespan-zilindroak kolore horietako paper-zatiez bildu zituzten kola erabiliz.
  7. Zuhaitzak plastilinaz eta egurrezko makiltxoz osatu zituzten.
  8. Paperezko esferak margotu zituzten eta, zuhaitzen adaburu moduan, enborren gainean ipini zituzten.
  9. Azken instalazioa kolore sinbolikoz betetako emozioen baso bat izan zen.