BAINA ERROAK EUROPAN ZITUEN

Espresionismo Abstraktuak asko zor dio Europako tradizio modernoari. Sortzeko modu bat-bateko, automatiko edo inkontzienteen gaineko interesa surrealismoak eragin zuen zuzen-zuzenean. Gainera, espresionismo abstraktuaren jomugaren eredutzat Pablo Picassoren lanak hartu zituzten. Jakina, AEBn etorkin europarren historia luzea zen, eta Espresionismo Abstraktua ez zen salbuespena izan: Hans Hofmann pintorea Alemanian jaio zen, Willem de Kooning Herbehereetan trebatu zen eta “Espresionismo Abstraktua” izena bera Alemanian erabili zen lehenbizikoz, 1919an, Alemaniako Espresionismoa izendatzeko, eta 1946an agertu zen berriz, AEBko artista bolada berriaz hitz egiteko.