Pinturaren susperraldia: 1980ko hamarkada

1960 eta 1970eko hamarkadetan zehar, arte-objektuaren "materiagabetzea" deitu izan dena bizi izan zen. Garai hartako mugimendu minimalista eta kotzeptualistek adierazmoldeen soiltasuna sustatu zuten, bitartekoen urritasunean oinarritutako artelanak sortuz, askotan ideian edo kontzeptuan finkatuz, eta ez objektuetan bertan. 1980ko hamarkadan, aitzitik, pintura eta eskultura tradizionaletarako itzulera gertatu zen. Balio tradizionalen susperraldi honekin batera, pintura-estilo ugari loratu ziren garai berean, eta estilo berri hauek landu zituzten artisten artean daude Miquel Barceló, Jean-Michel Basquiat, Georg Baselitz, Sandro Chia, Francesco Clemente, Enzo Cucchi, Sigmar Polke, Gerhard Richter eta Julian Schnabel.