ACT Jaialdia

Gozatu ACT Eszena Berritzaileen Nazioarteko Jaialdiaren XXI. edizioko lehiaketan parte hartuko duten bi piezarekin. Edizio hau Japoniako arte eszenikoen arloari eskainiko zaio.

Programari hasiera emateko, Kenji Shinohe koreografo eta dantzariak bakarkako dantza emanaldia emango du, “sentimenduen sinbolizazioa” gaia landuz (15 min.). Ondoren, The Life of Hokusai Committee konpainiaren hitzik gabeko antzerki ikuskizun bat ikus ahal izango da (30 min.), eta, “geibu” (dantza eta arte martzialen nahasketa) eta ikus-entzunezko euskarri oso kementsuen bitartez, Katsushika Hokusai japoniar artista ospetsuaren barne gatazka aurkeztuko da.

Programa Museoaren TopARTE programaren baitan garatuko da.