Baby Art: argiarekin eta airearekin jolasean

Estimuluz jositako jolaserako gunea da, haurtxoek eta familiek Museoko artelanak ezagutzen dituzten bitartean elkarren arteko hartu-emana sustatzeko helburuz sortua. Hiruhileko honetan, artea, argiak eta airea uztartzen dituen ibilbide sentsoriala eskainiko dugu: askatasunez mugitzera eta materialekin esperimentatzera bultzatuz, etxeko txikienen jakin-mina eta pertzepzioa pizteko pentsatutako esperientzia murgiltzailea. Proposamenaren abiapuntua Museoan dauden argidun artelanak izango dira, esate baterako, Jenny Holzer edo Mark Leckeyrenak. Argipean eraldatzen diren koloreekin jolastuko gara, eta bestelako elementuak ere gehituko ditugu, adibidez, airea.

Saioaren gidariak: Mertxe Periz, Mónica Rodríguez-Curiel, Maite Ruiz

Martxoak 7, larunbata, eta martxoak 8, igandea: 24–36 hilabete (euskaraz)

Martxoak 14, larunbata, eta martxoak 15, igandea: 12–24 hilabete (gaztelaniaz)

Martxoak 21, larunbata, eta martxoak 22, igandea: 24–36 hilabete (gaztelaniaz)

Martxoak 28, larunbata, eta martxoak 29, igandea: 6–12 hilabete (gaztelaniaz)

Adina: 6–36 hilabete

Iraupena: 120 min

Hizkuntzak: euskara eta gaztelania

Plaza-kopurua mugatua da