Musikagileak Kontzertua, Musika Garaikidearen 15. Zirkuitua

Musikagileak Elkarteak Zukan Hirukotearen kontzertua eskainiko du Museoan, Musika Garaikidearen 15. Zirkuituaren testuinguruan. Erakundeak egungo sortzaileen lanak zabaltzen ditu batez ere, eta Elkartearen helburu nagusia da garai  guztietako euskal musika sustatzea eta indartzea. Oraingo honetan, Zukan Hirukotearen emanaldia aurkezten dute. Hirukotea Jon Ansorenak (txistua), Maria Zubimendik (akordeoia) eta Gorka Catedianok (perkusioa) osatzen dute, eta ezohiko melodiak eskainiko dizkigute, Émile Girad-Charest txelo-jotzaile kanadarrak lagunduta.

Jarduera Musikagileak-ekin elkarlanean antolatu da, Museoaren TopARTE programaren baitan.

Iraupen osoa, gutxi gorabehera: 90 min.