29 iraila 2017
Artistak biltzen dituen Bilbotarra naiz bideoa
Hainbat artista garaikidek omenaldia egin diete Bilboko hiriari eta Guggenheim Bilbao Museoari haren XX. Urteurrenean mezu hunkigarri batekin
Guggenheim Bilbao Museoaren XX. Urteurrena dela-eta, Museoarekin lotura zuzena duten gaur egungo bost artista garrantzitsuenetakoek Museoa naiz bilbotarrak pertsonalki zoriondu nahi izan dituzte 20 urteko arrakastan denok izan dugun parte hartzeagatik.
Nazioartean ospe handia duten, eta haien artelan edo erakusketak direla medio, Museoan eragin nabarmena izan duten sortzaileek —Frank Gehry, Richard Serra, Jeff Koons, Jenny Hozer eta David Hockney— Museoarekiko eta Bilborekiko duten atxikimendua erakutsi dute bideo xume baina hunkigarri batean, oso era dibertigarri eta hurbilean, haien bilbotartasuna aldarrikatuz. Kanpotarrak badira ere, artista hauek “Bilbotarrak nahi dugun tokian jaiotzen gara” esaldi ezaguna hartu dute oinarritzat haien hurkotasuna erakusteko Museoaren XX. urtemuga hurbil dagoenean.
Bideoan parte hartzen duten artistak erreferenteak dira nazioartean lantzen dituzten diziplinetan: pintura, eskultura, instalazioak nahiz arkitektura, eta musutruk aritu dira omenaldi honetan. Ondoren, bakoitzak Museoarekin izan duen lotura laburbiltzen dugu:
- Frank Gehry, eraikin zoragarriaren sortzailea.
- Richard Serra, Museoan behin-betiko instalatuta dagoen Denboraren materia instalazioaren egilea.
- Jeff Koonsek kanpoaldean betirako dauden Museoaren Bildumako Puppy eta Idi-bihotzak egin zituen. Halaber, 2015ean egin zen Jeff Koons: atzera begirakoa erakusketa Museoaren historiako jendetsuenetarikoa izan zen.
- Jenny Holzer Museoaren Bildumako Bilborako instalazioa artelanaren egilea da, Atrioan dagoena.
- David Hockneyk egindako paisaiei eskainitako erakusketa zabala eta arrakastatsua antolatu zuen Museoak 2012an, David Hockney: ikuspegi zabalago bat, eta 2017ko azaroan, berriz, David Hockney. 82 erretratu eta natura hil 1 bat aurkeztuko da.
BIDEOA hementxe dago ikusgarri.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.