20 urria 2006
Bederatzigarren urteurrena
GUGGENHEIM BILBAO MUSEOAK BEDERATZIGARREN URTEURRENA OSPATZEN DU
Urriaren 19an Guggenheim Bilbao Museoak bederatzigarren urteurrena bete zuen.
Urte hauetan zehar gizarterengandik jasotako onespena eskertu nahian Museoak aurten ere bere urteurrena partekatu nahi du eta horretarako jendea doan sartzeko aukera emango du asteburu osoan zehar, urriaren 21 eta 22an. Honela, larunbat eta igande honetan museora hurbilduko diren guztiek zabaldu berri ditugun bi erakusketa ikusteko aukera izango dute: % 100 Afrika —Afrikako gaur egungo artea aztertzen duen erakusketa— eta Igarobideak
—Bilduma Iraunkorraren aurkezpena, lau artista alemaniar garrantzitsuen lana erakusten duena: Joseph Beuys, Hanne Darboven, Gerhard Richter eta Anselm Kiefer—.
Horrez gain, guregana datozen guztiek La Salveko zubian esku-hartze artistikoa egiteko aurkeztu diren hiru proiektuetako baten alde bozkatzeko aukera izango dute.
Igandean, urriaren 22an, haurrentzako ikuskizun bat egingo da Museoko Entzungelan: Alaia txotxongilo emanaldia, Pantha Rhei taldearena. Bi emanaldi izango dira 12:30etan euskaraz eta 18:00etan gaztelaniaz. Sarrerak Museoaren Lagunen leihatilan eskura daitezke. Jarduera honen babeslea Bilbao Bizkaia Kutxa Fundazioa da.
Bilbon, 2006ko urriaren 20an
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.