Bere 25. urteurrenean, Guggenheim Bilbao Museoak 25 milioigarren bisitariari egin dio harrera

Bere 25. urteurrenaren ospakizuna amaitzeko zorian denean, Guggenheim Bilbao Museoak 1997ko urriaren 19an ireki zenetik izan dituen bisitarietatik 25 milioigarrenari egin dio harrera.

Matarón bizi den Jordi Sanz bartzelonarra izan da Museoa 25 milioiko zifra sinbolikoa lortzera eraman duen pertsona. Hala, bidaia bat jaso du opari: lau egun New Yorken, bi lagunentzat, Iberia eta BCD Travelen lankidetzari esker.

Jordi eta bere bikotekide Marta opor egunez gozatzen ari dira Euskadin. Donostiatik iritsi berriak, Jordik bi sarrera erosi ditu Museoko txarteldegian, gaur, abenduak 20, 11:30 aldera. Oso pozik eta harrituta agertu dira 25 milioigarren bisitariak direla jakin eta Museoko Zuzendariaren zorionak jasotzean. Lehen aldia dute Guggenheim Bilbao Museoan, ”ezinbestesko bisita” eta bereziki Marta izugarri alai dago New Yorkerako bidaiarekin, ezagutzen ez duen hiria delako eta ezagutzeko gogo handia zuelako.

25 urtetan zehar —pandemia eta murrizketa aldi luze bat tarteko— jaso dituen 25 milioi bisitariek argi uzten dute Museoaren osasun ona eta erakargarritasuna, baita gertuko inguruneko, estatuko eta nazioarteko publikoaren babes iraunkorra ere.

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.