Bilbo, New York eta Veneziako Guggenheim Museoetako Patronatuak ezohiko bilkuran batu dira

Museoaren XX. Urteurrena dela-eta, gaur Bilbon batu dira, ezohiko bilkuran, New York, Venezia eta Bilboko Guggenheim Museoetako Patronatuetako ordezkariak. Gai-zerrendak puntu bakarra izan du: “Guggenheim Bilbao Museoa, 1997–2017: Balantzea, helburuak betetzea eta etorkizuneko aukerak”.

Iñigo Urkullu Lehendakaria izan da mahaiburu, eta honakoak bertaratu dira: Unai Rementeria, Bizkaiko Ahaldun Nagusia; Juan Mari Aburto, Bilboko Alkatea; Bill Mack, Solomon R. Guggenheim Foundation erakundeko Chairman-a; Wendy Fisher, Solomon R. Guggenheim Foundation erakundeko presidentea; B.G. Luxenburgoko Sibilla printsesa, Veneziako Peggy Guggenheim Collection-eko Aholku-kontseiluko presidentea; eta hiru museoetako zuzendariak: New Yorkeko Richard Armstrong, Veneziako Karole Vail, eta Bilboko Juan Ignacio Vidarte. Guzti horiekin batera, Patronatuko saio honetan New Yorkeko eta Veneziako beste ordezkari batzuk ere izan dira, baita Guggenheim Bilbao Museoaren Babesle eta Ohorezko Kideak ere.

Hirian daudela aprobetxatuz, talde hori Museoaren XX. Urteurrena ospatzeko Afarira joango da, haien ekarpenekin Museoaren jarduera ahalbidetzen duten pertsona, enpresa eta erakundeekin batera.

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.