31 urtarrila 2025
Budapesteko paper gaineko maisulanak
2025.02.28 - 2025.05.25
- Egunak: 2025eko otsailaren 28tik maiatzaren 25era
- Komisarioak: Kinga Bódi, Budapesteko Arte Ederren Museoa, eta Marta Blàvia, Guggenheim Bilbao Museoa
- 150 pieza inguru mende luzeetako marrazketa- eta estanpa-tradizioen erakusle: artelanen hautaketak agerian jartzen du teknika horien etengabeko berrikuntza-nahia, baita haien aniztasun teknikoa, ezaugarri nagusiak eta efektu estetiko bereizgarriak ere.
- Marrazketa, arte-adierazpen formarik zaharrena izanik, ideiak eta emozioak irudikapen bisualarekin lotzen dituen zubia da; izaera dinamikoak eta garai guztietako eskakizunetara egokitzeko ahalmenak agerian uzten dute haren garrantzia eta gaurkotasuna.
- Grabatuak, berriz, erabat eraldatu du irudien ekoizpena eta hedapena, artearen irisgarritasuna demokratizatu du eta eragin handiko garaietan katalizatzaile izan da, hala nola Errenazimentuan eta Erreforman.
- Erakusketa hau Guggenheim Bilbao Museoaren eta Budapesteko Arte Ederren Museoa–Hungariako Galeria Nazionalaren arteko lankidetzari esker antolatu da. Izen handiko erakunde horrek nazioarteko arte-altxorrak erakusten ditu, Antzinarotik XXI. mendera artekoak, baita Erdi Arotik gaur arteko arte hungariarra ere.
Guggenheim Bilbao Museoak Budapesteko paper gaineko maisulanakerakusketa aurkezten du. Bertan, zazpi mendetan zehar egindako marrazki eta estanpei buruzko ikuspegi zabala eskaintzen da, XV. mendetik hasi eta gaur egunera arte, eta artista handien lanak biltzen dira, besteak beste honako hauenak: Albrecht Dürer, Leonardo da Vinci, Rafael, Rembrandt, Francisco de Goya, Miklós Barabás, Henri de Toulouse Lautrec, Pablo Picasso, Egon Schiele, Victor Vasarely, Vera Molnar, Judit Reigl, Dóra Maurer, Georg Baselitz, Katharina Grosse eta Gerhard Richter.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.