27 otsaila 2014
Denda-Liburudenda berria
Guggenheim Bilbao Museoko Denda-Liburudenda berria, Frank Gehryk diseinatua
Denda-Liburudenda berria irekiko du Guggenheim Bilbao Museoak. Gune berri hau Frank Gehryk diseinatu du eta 375 metro karratu hartzen ditu. Bertara Atriotik zuzenean sar daitezke barruan dauden bisitariak eta Atondotik aretoetara sartu nahi ez diren bezeroak.
Hiru solairuko antzinako kokagunean ez bezala, solairu bakarra hartzen du. Gune zabala da, eta arkitektura ezaugarri bereziak, diseinu zaindua eta dendarako bereziki egindako altzariak uztartzen ditu. Altzari horiei esker, salgaien katalogo gai anitzak era ordenatuan eta modu eskuragarrian antola daitezke.
Denda-Liburudenda berriko salgaien artean aipatzekoak dira: liburuak, litografiak, diseinatzaile ezagunen bitxiak eta objektuak, apaingarriak, bulegorako materialak, arropa berezia eta haurrentzako gaiak. Nazioarteko egile eta etxe bikainen salgaiak egongo dira, tartean, Vitra, Alvar Aalto eta Philippe Starck etxeenak.
Opari bat aurkitzeko gune paregabea da, salgaien artean eraikinaren formetan inspiratutakoak daude, bai eta diseinu berezi-berezikoak; Bilbon horrelako salgaiak erosteko gune gailen bihurtzeko asmoa dugu. Museoko Denda-Liburudenda zabalik egongo da astearteik igandera, 10:00etatik 20:00etara.
Bilbo, 2014ko otsailaren 27a
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.