16 abendua 2016
EAEko artista gazteek Guggenheim Bilbao Museoan haien artelanak erakusteko aukera izango dute
Eginberri arte proiektuen deialdia XX. Urteurreneko ospakizunen barruan dago
Eginberri arte proiektuak aurkezteko lehiaketa deitu du Guggenheim Bilbao Museoak, 35 urtetik beherako EAEko artistei zuzendutakoa. Artelanak garatu eta Museoan erakusgai ipintzeko aukera emango die. Ekimen honek Bizkaiko Foru Aldundiarekin lankidetzan prestatu da.
Edozein arte-diziplina onartzen dira deialdian —arte plastikoak, ikus-entzunezkoak eta performancea—. Gaur, abenduaren 16an, hasi da proposamenak aurkezteko epea eta 2017ko urtarrilaren 30an amaituko da. Ondoren, epaimahai batek, Guggenheim Bilbao Museoko eta Bizkaiko Foru Aldundiko ordezkari bina osatutakoak, hautatuko ditu proiektu nabarmenak.
Aukeratutako sormen-lanak —gutxienez hiru eta gehienez hamar— 2017ko apirilaren 10etik maiatzaren 7ra izango dira ikusgai Museoko 177. aretoan; performance izaera duten lanak beste gune batzuetan ere aurkezteko aukera izango da. Museoko arte-arduradun taldea izango da proiektuaren komisarioa eta hautatutako artista bakoitzak 1.500 euroko diru-laguntza izango du obrak ekoizteko eta Museoan erakusteak dakartzan gastuak finantzatzeko.
Guggenheim Bilbao Museoak ekimen hau antolatu du XX. Urteurreneko ospakizun-urtean, tokiko arte-giroarekin elkarlanean jardun nahi baitu, gazteek Museoan haien lana erakuts dezaten eta horrela ezagutzera eman dezaten.
Interesa dutenek oinarriak begira ditzakete eta izen-emate fitxa bete dezakete www.guggenheim-bilbao.eus webgunean. Dokumentazioa Guggenheim Bilbao Museoko bulegoetan aurkeztu beharko dute urtarrilaren 30a baino lehen.
Bilbon, 2016ko abenduaren 16an
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.