24 otsaila 2017
EAEko sei artista gaztek aurkeztuko dituzte haien lanak Guggenheim Bilbao Museoan
Eginberri erakusketa Museoaren XX. urteurreneko ospakizunen artean dago
Xare Álvarez, María Benito, Patrik Grijalvo, Izaro Ieregi, Zaloa Ipiña, eta Carlos Martínez artista gazteek erakutsiko dituzte haien lanak apirilaren 10etik maiatzaren 7ra, talde erakusketa batean, Guggenheim Bilbao Museoko 177. aretoan. Eginberri ekimenaren epaimahaiak aukeratu ditu; 2016ko abenduan abian ipinitako eta Bizkaiko Foru Aldundiak eta BBKk lagundutako ekimen horretan esku hartzeko aukera izan dute EAEko 35 urtetik beherako gazteek.
Sei proiektuok Arabako, Gipuzkoako eta Bizkaiko artista gazteren 62 proposamenen artetik hautatu dituzte, eta ondo ematen dute aditzera gaur egun arte-diziplinen arteko aldeak lausoak direla —besteak beste pinturaren, eskulturaren, instalazioaren eta argazkigintzaren artekoak—. Artista bakoitzak 1500 euroko diru-laguntza izango du, artelanak ekoizteko eta Museoan erakusteak dakartzan gastuei aurre egiteko. Lucía Agirre Guggenheim Bilbao Museoko arte-arduraduna izango da Eginberri erakusketaren komisarioa, aukeratutako sei proiektuak ikusgai jarriko dituenarena.
Epaimahaia honakoek osatu dute: Asier Madarieta, BizkaiKOAren kudeatzailea; Eztizen Esesumaga, Rekalde Aretoko hezkuntza eta publiko arduraduna; eta Lucía Agirre eta Petra Joos, Guggenheim Bilbao Museoko arte-arduradunak. Adierazi dutenez, aurkeztutako proposamen guztiek kalitate handia izan dute, eta hautatutakoek, gizarte-elkarrizketan sakontzeaz batera, egundo ikusi gabeko proiektu-multzo azpimarragarria eratzen dute.
Ekimen hau Guggenheim Bilbao Museoak garatu du; izan ere, XX. Urteurrena ospatzen duen urtean inguruko arte-komunitatearekin elkarlanean jardun nahi du, artistak gazteek Museoan obrak erakutsiz ikusgarritasuna irabaz dezaten eta haien lana zabal daitezen.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.