22 abendua 2021
Fauvismotik surrealismora: Parisko Musée d’Art Moderneko maisulanak
- Datak: 2022ko otsailaren 11tik maiatzaren 22ra
- Komisarioak: Fabrice Hergott, Parisko Musée d’Art Moderneko zuzendaria, Parisko Musée d’Art Moderneko arte-arduradun Hélène Leroyrekin eta Guggenheim Bilbao Museoko arte-arduradun Geaninne Gutiérrez-Guimarãesekin elkarlanean
- Guggenheim Bilbao Museoak eta Parisko Musée d’Art Moderne, Paris Musées-ek antolatutako erakusketa
- Babeslea: BBVA Fundazioa
- XX. mendeko lehenengo hamarkadan fauvismoa eta kubismoa sortu zirenean mugimendu haietako artistek erakutsi zuten askatasun-adierazpen ausartak goitik behera aldatu zuen erretratuak, paisaiak eta natura hilak irudikatzeko modu tradizionala. Askatasun hori eskandalagarri suertatu zen.
- “Paris elkargune” izeneko aretoak gerra arteko urteetan Parisko arte-eszena berria lorarazten aktiboki jardun zuten margolari eta eskultore figuratiboak biltzen ditu.
- Askatasuna ez ezik, irrazionala eta iraultzailea zen oro ere sustatzen zuen surrealismoak. Sorkuntza artistikoaren esparru guztietan izan zuen eragina, eta prozedura tekniko eta artistiko berritzaileak ekarri zituen.
Parisko Musée d’Art Moderne (MAM) eta Guggenheim Bilbao museoek Fauvismotik surrealismora: Parisko Musée d’Art Moderneko maisulanak dakarte, BBVA Fundazioak babestutako erakusketa bat. Funtsezko hainbat artistaren 70 maisulan inguruko aukeraketa bat da, eta MAMen bildumaren historia irudikatzen du XX. mendeko hastapenetan Parisen sorturiko abangoardia-mugimenduen ikuspegi panoramikoa eskaintzeko xedearekin.
MAM museoa 1937ko Exposition internationale historikoaren haritik eraiki zen, Paris hiriak zituen arte moderno eta garaikideko funtsak biltzeko. Funts horiek handituz joan ziren hurrengo urteetan, Parisko arteeszenako artista ospetsuenen lanak erosi baitzituzten. Hala ere, 1961era arte MAM ez zen museo bilakatu. Mezenasek funtsezko papera jokatu zuten proiektuaren garapenean, Maurice Girardin doktoreak bereziki; izan ere, azken horrek 1953an museoari egin zion dohaintza bilakatu zen artista fauvista eta kubisten lanak, bai eta Parisko Eskolaren ordezkarienak batzen dituen maisu modernoen bildumaren muina bilakatu zen.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.