Frantziako 10 chef-ek

FRANTZIAKO SUKALDARI ONENAK GUGGENHEIM BILBAO MUSEOA BISITATUKO DUTE

Mundu mailan famatuak diren Frantziako 10 chef‑ek Guggenheim Bilbao Museoa bisitatuko dute bihar, enologia eta gastronomiako adituekin batera.

Paul Bocuse, Pierre Toisgros, Pierre Wynants, Marc Meneau, Jean Pierre Haeberlin, Jacques Pourcel eta Laurent Pourcel, besteak beste, Michelinen hiru izarrak dituzten jatetxen aukeratuetatik datoz, sukaldariok gastronomiaren munduan ematen diren sari ospetsuenak irabazi dituzte eta Frantziako sukaldaritza mundu osoan ezagutzera eman dute. Martin Berasategiren laguntzaz Guggenheim Bilbao Museoaren aretoak bisitatuko dituzte bihar.

Sukaldariekin batera Savour Club-eko arduradunak, gastronomia eta ardoetan adituak diren kazetariak eta gida gastronomikoen idazle garrantzitsuak etorriko dira Bilbora. Museoko aretoak bisitatu ondoren bisitari ospetsu horiek Martin Berasategiren berezitasunak dastatuko dituzte Guggenheim Bilbao Museoko jatetxean.

*Frantziako sukaldarien argazkiak atera nahi dituzten hedabideak Museoko plazara etor daitezela bihar, uztailaren 1ena, 11:45ean.

Beste prentsa oharrak

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.