11 urria 2023
Gego. Infinitua neurtzen
- Datak: 2023ko azaroaren 7tik 2024ko otsailaren 4ra
- Komisarioa: Geaninne Gutiérrez-Guimarães
- Babeslea: Seguros Bilbao. Laster Occident
- XX. mendearen bigarren erdian Latinoamerikako eszenak eman zuen artistarik esanguratsuenetako bat da Gego, eta bide zeharo pertsonala —kategorizaziorik onartzen ez duena— urratu zuen bere ibilbide artistikoan.
- Erakusketa kronologikoki eta gaika antolatuta dago, eta Gegok forma organikoen, egitura linealen eta abstrakzio modularren bidez egin zituen ekarpen formalak eta kontzeptualak aztertzen ditu.
- 150 eskultura, marrazki, grabatu, ehun, argitalpen eta argazkiren bitartez, erakusketak Latinoamerikako hainbat testuinguru artistiko biltzen ditu, Gegok bere ibilbide luzean zeharkatu izan dituenak, eta artearen mugimendu jakin batzuekin —tartean abstrakzio geometrikoa eta arte zinetikoa— izan dituen elkarguneak eta hausturak ere arakatzen ditu.
Guggenheim Bilbao Museoak Gego. Infinitua neurtzen erakusketa aurkezten du. Atzera begirako horrek Gego izenez ere ezaguna den Gertrud Goldschmidt (Hanburgo, 1912–Caracas, 1994) artista germaniar-venezuelarraren lanaren ikuspegi integratzailea eta abstrakzioaren lengoaiaz zuen ikuspegi berezia eskaintzen ditu. Seguros Bilbao (laster Occident) babesle duen erakusketa hori kronologikoki eta gaika dago antolatua, eta artistak forma organikoen, egitura linealen eta abstrakzio modularren bidez egin zituen ekarpen formalak eta kontzeptualak aztertzen ditu.
Erakusketak 1950eko hamarkada hasieratik 1990eko hamarkada hasierara arteko 150 objektu inguru biltzen ditu: eskulturak, marrazkiak, grabatuak, ehunak eta artista-liburuak, baita zirriborroak, argitalpenak, gutunak eta instalazioen zein obra publikoen argazkiak ere. Azterketa horrek Gegoren ibilbide luzeak zeharkatu zituen latinoamerikar testuinguru ugarien baitan kokatzen du haren praktika, eta jardunbide horrek nazioarteko funtsezko mugimenduekiko —abstrakzio geometrikoarekiko edo arte zinetikoarekiko, besteak beste— izan zituen elkarguneak eta hausturak ere arakatzen ditu.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.