Giovanni Anselmo. Ostertzaz gaindi

<em>Titulurik gabea (Kotoi bustia beiraren kontra jaurti eta bertan geratzen da)</em> [<em>Senza titolo (Il cotone bagnato viene buttato sul vetro e ci resta)</em>], 1968<br />
Beira, kotoia, zakua, zink-baldea, ura eta zerrautsa<br />
210 x 210 x 50 cm<br />
The Sonnabend Homem Collection. Maileguan honi emana: Fundação de Serralves – <br />Museu de Arte Contemporânea de Serralves, Oporto<br />
© Giovanni Anselmo<br />
Argazkia: © Filipe Braga

Datak: otsailak 9–maiatzak 19, 2024
Komisarioa: Gloria Moure
Guggenheim Bilbao Museoak antolatutako erakusketa

Espazioa, denbora, orientazioa, eremu magnetikoak nahiz planetaren grabitazio-indarrak Giovanni Anselmoren lengoaia artistikoa definitzen duten eta haren lanean behin eta berriro agertzen diren gaiak dira.

Artista erakusketaren prestakuntza-lanetan erabat murgilduta ibili zen joan den abenduan hil baino egun gutxi batzuk lehenagora arte; erakustaldiak, beraz, haren bitalismo sakona, utzi duen ondarearen handitasuna eta bere ekarpenaren zentzua zintzo transmititzea du helburu.

Bere garaiko zenbait kezka eta hausnarketa artistikorekin bat etorri arren, eta 1960ko hamarkadaren amaieran Italian sortutako Arte Povera mugimenduaren erreferente izan arren, Giovanni Anselmok etiketa oro saihestu zuen hamarkadaz hamarkada estiloak edo joerak alde batera utzi eta corpus artistiko propioa sortuz.

1965ean, Stromboli sumendiaren tontorrean, bere “itzala bera infinituan” desegin zela sentitu zuen Anselmok, eta horrela jabetu zen etengabe eraldatzen ari den unibertso baten parte garela. Esperientzia horrek bultzatuta, behatzaileekiko edo inguruan dauden indarrekiko hartu-emanean gerta daitezkeen ekintzen eta materialen bidez aurkezten zuen errealitatea.

Anselmok energia ikusezin eta unibertsaletara jotzen zuen ikusgaiaren eta ikusezinaren arteko, eguneroko errealitatearen eta mundua baldintzatzen duten indarren arteko zubi-lana egiten duten piezak asmatzeko.

Deskargatu PRENTSARAKO TXOSTENA

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.