Guggenheim Bilbao Museoak bere historiako urterik onena bizi du bere XX. urteurrenean

Aparta izan da 2017. urtea Guggenheim Bilbao Museoarentzat, XX. urteurrenaren oroitzapenaren urtean izan duen publikoaren babes zabalari esker. Bai erakusketak ikustera bertaratutako bisitari-kopuruari dagokionean, eta bai ospakizun-ekitaldietara gerturatutako herritar andanari erreparatuta, kultura-jardueretako TopARTE programetan publikoak izandako parte-hartze altuaz gain eta urte honetan jasotako aitorpenekin batera, Museoa osasun betean dagoela esan daiteke. Gainera, eta bi hamarkadatako ibilbidearen ondoren, proiektu erakargarria izaten jarraitzen duela nabarmen daiteke.

1.322.611 dira 2017an Museora gerturatu diren bisitariak, —2016arekin alderatuz gero %13ko hazkundearekin. bere aldetik eta bere momentuan, historiako bigarren urte onena izan zena— eta, ondorioz, 153.207 bisitaritan eman da hazkunde hori. Izan ere, orain arte 1998. urtea bazen arrakastatsuena bisitari-kopuruari dagokionez, aurten kopuru hori 15.411 bisitaritan gainditu da.

Jatorri geografikoa kontutan hartuz gero, aurreko urteetan bezala mantentzen da atzerritarren portzentaje altua (bisitari osoen %62a); gehienbat Frantziatik (%16), Britainia Handitik (%7), Alemaniatik (%5), Ameriketako Estatu Batuetatik (%5) eta Italiatik datozenak. Euskal Herritik datorren bisitarien portzentajea %21ean kokatzen da, aurreko urtean baino %10 gehiago; Estatuko gainontzeko bisitarien portzentajea, bere aldetik, %17koa da.

Guggeneheim Bilbao Museoaren 2017.eko balantzearen datuei buruzko informazio gehiago nahi izanez gero, begiratu mesedez atxikita bidaltzen dizuegun prentsa oharra.

Beste prentsa oharrak

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.