Guggenheim Bilbao Museoak bideo-sorta baten bidez erakutsiko du Kandinskyren erakusketa berria prestatzeko lanen atzera-kontua

Guggenheim Bilbao Museoak abian jarri du #KandinskyAtzeraKontua ekimena: egunez egun, hamabost bideoz osatutako sorta emango du argitara Kandinskyren erakusketa prestatzeko eginbeharrak azkentzeko lan-prozesuak erakusteko asmoz. Erakusketak BBVA Fundazioa du babesle eta azaroaren 20an inauguratuko da, ostiralarekin.

New Yorkeko Solomon R. Guggenheim Museoko arte-arduraduna eta Kandinsky erakusketaren komisarioa den Megan Fontanellak emango dio hasiera ekimenari gaur argitaratutako lehenengo bideoarekin. Pandemia dela-eta Fontanellak ezin izan duenez Bilbora etorri erakusketa muntatzera, New Yorketik aurkeztu du ekimena, eta abagunea aprobetxatu du bi museoetako lan-taldeen ahalegina eta haien artean izandako lankidetza estua eskertzeko, horrexeri esker lortu baita erakusketa aurrera eramatea garai zailotan.

Museoak egiten duen lanaren alderdirik ezezagunenak argitara emateko helburuz, datozen egunetako bideoek aretoetako muntaketa-lanei eta bulegoetako zereginei buruzko alde ezberdinak jorratuko dituzte. Hala, Museoko profesionalek aretoak nola margotzen, artelanak nola jasotzen, muntaketa- eta argiztapen-lanak nola egiten edo kartelak nola jartzen dituzten azalduko dute besteak beste, eta erakusketarekin zerikusia duten bestelako arloak ere izango dituzte hizpide, nola diren katalogoa, publizitate-kanpaina edo Denda-Liburudendako produktuak.

Bideoak Museoko langileek eurek grabatuko dituzte, modu xumean, eta egunero zabalduko dira Museoaren sare sozialen (Instagram, Facebook eta Twitter) eta webgunearen bidez.

#KandinskyGuggenheimBilbao

#KandinskyAtzeraKontua

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.