20 maiatza 2020
Guggenheim Bilbao Museoak eta Bilboko Arte Ederren Museoak ekainaren 1ean ateak berriro irekiko dituztela iragarri dute. Eskuragarritasun handiena eskainiko dute, asteko egun guztietan zabaldu eta ordutegi osagarriak izango baitituzte
Martxoaren 14an, agintariek museoak ixtea erabaki zuten, koronabirusaren hedapena geldiarazteko, eta, orain, Guggenheim Bilbao Museoak eta Bilboko Arte Ederren Museoak ekainaren 1ean (astelehena) ateak irekiko dituztela iragarri dute.
Bi museoek lehen hilabeterako ordutegiak planifikatu dituzte, betiere, beraien kultur eskaintzarako ahalik eta irisgarritasun handiena kontuan hartuta; asteko egun guztietan irekiko dituzte ateak, eta bi museoek ordutegi zabala eskainiko dute beren irekiera-ordutegiak osatzeko. Horrenbestez, herritarrek museo bat edo biak bisitatzeko aukera izango dute 11:00etatik 19:00etara.
Horretarako, Guggenheim Bilbao Museoak ateak irekiko ditu ekainean, astelehenetik ostiralera, 14:00etatik 19:00etara, eta larunbat eta igandeetan, 11:00etatik 19:00etara. Uda bete-betean, uztailean eta abuztuan, ordutegia luzatuko du, eta egunero 11:00etatik 19:00etara egongo da zabalik.
Bestalde, Bilboko Arte Ederren Museoa asteko egun guztietan egongo da irekita ekainean, 11:00etatik 14:00etara eta 16:00etatik 19:00etara, eta uztailean eta abuztuan ordutegi zabalagoa ezarriko du, 11:00etatik 19:00etara.
Egungo egoeran, ordutegi horietan behar bezala jakinaraziko liratekeen aldaketak egon daitezke. Azkenik, museo bakoitzak laster iragarriko ditu bisitaldian segurtasuna bermatzeko ezarritako zerbitzuak eta protokoloak.
Ordura arte, bi museoek berriro irekitzeko prestaketekin jarraitzen dute.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.