18 abendua 2019
Guggenheim Bilbao Museoak LED teknologia ezarri du artelanak argiztatzeko
Guggenheim Bilbao Museoko erakusketa-aretoek dagoeneko LED teknologia dute artelanak argiztatzeko. Teknologia horrek nabarmen hobetzen du aretoetako argiztapenaren kalitatea, artelanak zaintzen laguntzen du, erakusketen mantentze-lanak eta instalazio-prozesua errazten ditu eta % 90ean murrizten du elektrizitatearen kontsumoa.
“Zorionekoa naiz, Museoko argiztapen berria erabili duen lehenengo artista izan bainaiz. Nire argazkiak halako kalitatez eta zehaztasunez ikusten ditudan lehen aldia da”. Thomas Struth hitz horiekin aritu zen LED ekipamendu berriei buruz joan den irailean bere atzera begirako erakusketa ireki zenean. Kalitate bikaineko argia proiektatzea eta garaiera handiko hormetan argi-geruza uniformea lortzea dira, hain zuzen, teknologia horren bereizgarri nagusietako batzuk.
Guggenheim Bilbao Museoan LED argiztapena jartzeko proiektua 2017an abiarazi zen, Museoaren XX. urteurrenarekin bat. Helburua pixkanaka-pixkanaka argi halogenoen ordez LED argiak jartzen joatea zen, eta horrenbestez, 2018an ekipamenduok ekoizteko lana esleitu zitzaion Zumtobel austriar fabrikatzaileari. Enpresa hori bere sektoreko liderra da, eta hainbat eraikin entzutetsutako argiztapenaz arduratu da: Erromako MAXXI, Frankfurteko Stadel Museum, Vienako Kunsthistorisches Museum eta Mexiko Hiriko Museo Jumex. Udazken honetan amaitu da Museoko bigarren eta hirugarren solairuetako LED argiztapenaren instalazioa, eta datozen bi urteetan lehenengo solairuan eta hiru solairuetako zirkulazio-espazioetan jarriko dira argiak.
Guggenheim Bilbao Museoak bisitarien esperientzia estetikoa hobetzeko eta iraunkortasuna sustatzeko apustua egin du, eta artelanak argiztatzeko LED teknologia ezartzea bide horretan emandako beste urrats bat da. Izan ere, pentsatzekoa da teknologia hori guztiz instalatzen denean nabarmen murriztuko dela Museoaren karbono aztarna, atmosferara urtean 335 tona inguru CO2 igortzea ekidingo baita.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.