Henri Michaux. Beste aldea

Datak: 2018ko otsailak 2–maiatzak 13
Komisarioa: Manuel Cirauqui

Artistaren 200 pieza, dokumentu eta objekturen bitartez, hiru ardatz tematiko handiren inguruko ikuspuntu panoramikoa eskaintzen du erakusketak: giza irudia, alfabetoa eta psike aztoratua.

Hondo beltzak, frottageak, mugimenduak eta marrazki meskalinarrak bezalako funtsezko sailek presentzia nabarmena dute erakusketa honetan, eta aurrez inoiz erakutsi gabeko obrak barne hartzen ditu.

Artistak zientziarekiko, musikologiarekiko eta etnografiarekiko erakutsitako interes jarraitua azpimarratzen du erakusketak.

Michaux izpiritu aszetiko eta sistematiko batekin gerturatu zen substantzia haluzinogenoetara, kontzientziak baldintza esperimentaletan izaten zuen portaera aztertzeko.

Bere obra grafikoek nahiz literarioek kultura psikodeliko hasiberriaren eta underground mistikaren eredu izatera eraman zuten.

Guggenheim Bilbao Museoak Henri Michaux: beste aldea aurkezten du. XX. mendeko literatura eta arteetako irudi sailkaezina izan zen Henri Michaux (Namur, Belgika, 1899–Paris, Frantzia, 1984), eta bere bizitza luzean zehar garaiko artista eta idazleengan eragin handia izan zuen. “Poeten poeta” eta “margolarien margolari” izan zen aldi berean, eta bi eremuetako figurek laudatu zuten, hala nola, André Gide-k eta Francis Bacon-ek.

Deskargatu PDFa

Beste prentsa oharrak

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.