Nota: este sitio web incluye un sistema de accesibilidad. Presione Control-F11 para ajustar el sitio web a las personas con discapacidad visual que están usando un lector de pantalla; Presione Control-F10 para abrir un menú de accesibilidad.
Prentsa Eremua

11 martxoa 2022

Motion Autos, Art, Architecture

Motion Autos, Art, Architecture
  • Datak: apirilak 8 – irailak 18, 2022
  • Kontzeptua eta diseinua Norman Fosterrenak dira, eta komisario-lanak Guggenheim Bilbao Museoko Lekha Hileman Waitollerrekin eta Manuel Cirauquirekin bai eta Norman Foster Foundationeko lantalde batekin eta haren kolaboratzaileekin batera egin ditu
  • Guggenheim Bilbao Museoak eta Norman Foster Foundationek antolatutako erakusketa
  • Babesleak: Iberdrola eta Volkswagen Group
  • Laguntzaileak: AIC-Automotive Intelligence Center Future aretoan, Cadillac Clay Modelling Studio-n eta Sennheiser soinu-esperientzia murgiltzailean.
  • Ongilea: Gestamp

 

  • Beginnings, Sculptures, Popularising, Sporting, Visionaries, Americana eta Future dira erakusketan zehar ibilbide kronologikoa osatzen duten gaikako aretoen izenak.
  • Erakusketa berezi honetako areto bakoitzak aldi historiko jakin bati edo gai zehatz bati heltzen die, diseinu industrialaren, artearen eta arkitekturaren elkargunea agerian utzita.
  • Clay Modelling Studio delakoarekin, Cadillac-en lankidetzari esker buztin-modelaketa tailer bat txertatu dugu erakusketan. Marka horren LYRIQ izeneko lehen ibilgailu guztiz elektrikoa fabrikatzeko metodoak jorratuko dira, ekoizpen-teknika tradizionalak eta egungoak aztertuz.
  • Future izeneko aretoan, —AIC-Automotive Intelligence Center laguntzaile dela antolatua—, mundu osoko diseinu- eta arkitektura-arloko hamasei eskolak egungo arazoei heltzen diete, besteak beste hirietako auto-pilaketei, baliabideen eskasiari eta kutsadurari, eta arkitekto-, diseinatzaile- eta artista-belaunaldi berriak etorkizuneko mugikortasunaz duen ikuspegiak aurkezten du bertan.

Guggenheim Bilbao Museoak Motion. Autos, Art, Architecture aurkezten du. Iberdrola eta Volkswagen Group babesle dituen erakusketa horrek automobilaren alderdi artistikoa goratzen du, eta bestelako arloekin lotzen, nola diren pintura, eskultura, arkitektura, argazkilaritza eta zinema. Ikuspegi integratzaile horrekin, erakusketak zalantzan jartzen du diziplina desberdinen arteko banaketa, eta  bisualki zein kulturalki erlazionatzen diren moduen azterketa bat eskaintzen du.

Beste prentsa oharrak

FAQ
Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu,  filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin  media@guggenheim-bilbao.eus helbidera.