17 otsaila 2023
Oskar Kokoschka: Vienako errebeldea
- Datak: 2023ko martxoaren 17tik irailaren 3ra
- Komisarioak: Dieter Buchhart eta Anna Karina Hofbauer, Fabrice Hergott eta Fanny Schulmannekin elkarlanean.
- Antolatzaileak: Guggenheim Bilbao Museoa eta Parisko Musée d’Art Moderne, Paris Musées
- Babesle bakarra: BBVA Fundazioa
- Bere ibilbidean zehar Kokoschka etenik gabe aritu zen eremu ezezagunak arakatzen. Hala, corpus artistiko iraultzaile bat sortu zuen aktibista politiko, arte figuratiboaren gidari eta arimen margolari gisa.
- Ideal klasikoak gaindituta, Kokoschkak analisirako tresna gisa erabili zuen erretratuaren generoa, modeloak barnean duen ni-a erakusteko gai dena.
- Kokoschkaren obran irudikapenak oso modu askean egokitzen dira irudikatzen denaren formetara eta kolore puru eta distiratsuetan barreiatzen da guztia.
- Kokoschka bere aparteko konpromiso bakezaleagatik nabarmendu zen. Haren ustez, “artistak alarma gisa jardun behar du”.
Guggenheim Bilbao Museoak eta Parisko Musée d’Art Moderne, Paris Musées-ek Oskar Kokoschka: Vienako errebeldea aurkezten dute, Vienan modernitatearen aitzindari izandako artista austriarrari eskainitako atzera begirako erakusketa, Museoaren Babesle Estrategikoa den BBVA Fundazioak babestua. Oskar Kokoschkak (1886–1980) goiz lortu zuen arrakasta Vienako eszena artistikoan. Bertan, Gustav Klimten babesa jaso zuen eta eragin handia izan zuen Egon Schiele gaztearengan. Kokoschkaren ibilbidearen amaieran zabaldu zen bere ospea nazioartean, bi mundu gerren ondoren. Bigarren Mundu Gerra azkenetan zenean, Kokoschkak Europa batu bat aldarrikatzen zuen, eta Neue Wilde mugimenduan —Austriako eta Alemaniako pintura berrian— arrastoa utzi zuen bere obra berankorrarekin. Kokoschka arlo ugaritan aritu bazen ere —antzerkia, aktibismo politikoa eta idazketa— artea izan zen bere bizitza osoaren ildo nagusia. Arlo horretan etenik gabe jardun zuen eremu ezezagunak arakatzen, eta corpus artistiko iraultzaile bat sortu zuen aktibista politiko, arte figuratiboaren gidari eta arimen margolari gisa.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.