Pello Irazu: Panorama

Data: martxoak 10-ekainak 25, 2017
Arte-arduraduna: Lucía Agirre

Pello Irazu funtsezko artista da gaur egungo euskal eta espainiar eskulturaren berrikuntzan. Hiru hamarkadatan zehar ibilbide sendoa garatu du, eta bertan, eskultura —zentzurik zabalenean— argazki, marrazki eta horma-irudiekin bateratu du.

Erabilitako diziplina edozein izanik ere, Irazuren lanak sakon jorratzen ditu gure gorputzen, objektuen, irudien eta espazioen arteko harreman anitzetatik sortutako arazoak.

Instalazioaren diseinua artistak berak taxututako gune kontzeptual eta fisiko batean uztartzen da, eta Irazuren ibilbideko mugarriak eta lanik garrantzitsuenak jasotzen ditu gune horrek.

Guggenheim Bilbao Museoak Pello Irazu. Panorama erakusketa aurkeztu nahi du: euskal eta espainiar eskultura garaikidearen berrikuntzako protagonisten artean dagoen artistaren 30 urteko ibilbidearen analisia, hain zuzen. Izenburuak adierazten duenez, atzera begirako erakusketek hartzen duten iraganerako joera baino gehiago, norabide anitz jasotzen dituen ikuspegia da hau: denbora espazioaren baitan tolesten da, eta nolabaiteko paisaia bat eskaintzen du.

Deskargatu PDFa

FAQ

Nola lortu dezaket baimena Guggenheim Bilbao Museoaren barrualdean nahiz kanpoaldean argazkiak ateratzeko edo filmatzeko?

Bidali mezu bat xehetasun guztiekin helbide honetara: media@guggenheim-bilbao.eus

Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.

Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.

Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.

Nola lor ditzaket erakusketen eta eraikinaren irudiak komunikabide batean argitaratzeko?

Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.

Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.

Nola lor dezaket erakusketa zehatz baten press kit bat?

Informazio guztia web orrialdeko Prentsa sailean eskura daiteke, erakusketen atalean.

Nola lor dezaket prentsa-baimen bat?

Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.

Nola jaso dezaket Museoaren erakusketei eta gaurkotasunari buruzko informazioa?

Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.