1 iraila 2023
Picasso eskultore. Materia eta gorputza
- Datak: 2023ko irailaren 29tik 2024ko urtarrilaren 14ra
- Komisarioa: Carmen Giménez, Lucía Agirreren parte-hartzearekin
- Erakusketa eta haren inguruko hezkuntza-jarduerak nahiz jarduera publikoak Pablo Picassoren heriotzaren 50. urteurrena ospatzeko Batzorde Nazionalaren laguntzarekin antolatu dira Picasso 1973–2023 ospakizunaren baitan, zeinak Telefónica baitu enpresa laguntzaile Espainian.
- Picassok ia bere ibilbide artistiko osoan egin zituen eskultura-piezak, artista autodidakta izateak dakarren askatasunarekin egin ere, arau guztiak hausteko prest.
- Ia hirurogei urte luzez egindako eskultura-lana aztertzen duen ibilbide hau kubismoaren, abstrakzioaren, primitibotasunaren edo aurkitutako objektuaren bitartez artearen historiara egindako hurbilketa paregabea da, Picassoren obran diziplinek elkarren artean duten eragin nabarmena agerian uzten duena.
- Egin zuen garaian bere lanik ezezagunena izan bazen ere, Picassoren lantegietako eta etxebizitzetako argazki ugariek agerian uzten dute haren eskulturak beti egon zirela haren eremurik intimoenean.
Guggenheim Bilbao Museoak Picasso eskultore. Materia eta gorputza erakusketa aurkeztu du. Erakusketak
1909tik 1962ra bitarte egindako 50 eskultura baino gehiago biltzen ditu, eta giza figura eta materia ditu
ardatz. Bertan, Pablo Picassok bere ibilbidean giza gorputzaren formak irudikatzeko erabili zituen estilo
guztiak agertzen dira. Picassoren eskulturen ia hirurogei urteko ibilbide honek zalantzan jartzen ditu
eskulturaren eta pinturaren zein obra amaituaren eta proiektuaren arteko mugak, eta kubismoan,
abstrakzioan, primitibotasunean eta aurkitutako objektuan zehar doan ibilbide historikoa proposatzen du.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.