16 maiatza 2024
Puppy udaberriz janzten da
Puppy, Jeff Koonsen lorezko eskultura, aste honetan hasi da bere landare-estalkia aldatzen udaberri/udako loreekin. Artistaren diseinu originalen arabera, Alegria lore, begonia, petunia eta ageratumekin, kolore-orbanez apainduta agertuko zaigu.
Puppyren lore-aldaketa urtean bitan egiten da, maiatzean eta urrian, bederatzi egunez. Prozesu konplexua da, arretaz egin beharrekoa, aldez aurretik milaka lore espezifiko landatu behar baitzaizkio obra honi. Izan ere, lorezaintzan adituak diren hogei laguneko talde bat behar izaten da lan hau egiteko, Museoko kontserbazio saileko arduradunek gainbegiratua.
2022az geroztik jasangarriagoa da Puppy, bere barne-egituraren saneamenduari eta urruneko ureztatze-sistema berriari esker. Sistema horrek hezetasun-neurgailuak ditu sei gune kritikotan, eta ihesak detektatzen ditu, ur-kontsumoan nabarmen aurrezteko eta kontserbazioa optimoa izateko. Ingurumena babesteko ildo horri jarraituta, Puppy estaltzen duten landareak, 40.000 gutxi gorabehera, inguruko mintegietatik datoz. Orain, gainera, LED teknologiaz hornituta dago eskulturaren kanpoaldeko argiztapena, Museoko gainerako argiak bezala.
Puppyk maiatzaren 21ean erakutsiko digu udaberriko bere jantzia, berriro ere, Museora egunero hurbiltzen diren herritar eta bisitarien artean poza eta baikortasuna zabaltzeko.
Puppy tailerrak
Puppyren lore-aldaketarekin eta Birziklapenaren Nazioarteko Egunarekin batera, maiatzaren 18ko eta 25eko asteburuetan, arte-tailerrak eskainiko zaizkie Museoaren Lagunen seme-alabei. Tailer horietan material harrigarriak deskubritu eta naturan oinarritutako autorretratuak sortuko dituzte berrerabilitako kartoiarekin eta naturako elementuekin, hostoak, lurra edo landareak.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.