4 otsaila 2020
Richard Artschwager
- Datak: otsailak 29 – abuztuak 23 2020
- Komisarioak: Germano Celant, komisarioa, eta Manuel Cirauqui, Guggenheim Bilbao Museoko arte-arduraduna
Pinturaren eta eskulturaren artean, Artschwagerrek hizkuntza berezi bat garatu zuen bere garaian sortutako etxeko material berrietatik abiatuta, eta bere lanean figurazioa eta abstrakzioa, diseinua eta berrikuntza artistikoa elkartzera, eta gauza funtzionalak eta alferrikakoak konbinatzera jotzen zuen.
Labirinto ireki bat balitz bezala diseinatu da erakusketa, eta lanen sorta zabala dakar, hirurogeiko hamarkadan egindakoetatik mende honen lehenengo hamarkadan egindakoetara.
Artschwagerrek tokiak, eguneroko bizitzako eszenak eta altzari arruntak (mahaiak, aulkiak, armairuak, etab.) irudikatzen zituen, eta berrinterpretatu egiten zituen material industrial arruntak erabiliz; besteak beste, formika, Celotexa, pintura akrilikoa eta kautxuz estalitako zaldi-zurdak.
Artschwagerren obrak etengabe jartzen ditu zalantzan itxura eta funtsa, eta munduaren interpretazio fina eta errealista, umoristikoa eta, aldi berean, monumentala eskaintzen du.
Guggenheim Bilbao Museoak Richard Artschwager erakusketa dakarkigu. Aukera paregabea da Richard Artschwagerren sorkuntza-ibilbidea aztertzeko. Artschwagerrek (Washington, D. C., 1923 – Albany, New York, 2013) pinturaren eta eskulturaren artean egin zuen lan, eta hizkuntza berezi bat garatu zuen bere garaiko etxeko material berrietatik abiatuta. Germano Celant komisario ospetsuak prestatu du proiektua, eta Guggenheim Bilbao Museoak eta MART – Museo di arte moderna e contemporanea di Trento e Rovereto museoak antolatu dute. Proiektuak ia 70 obra biltzen ditu, eta baita oso gutxitan erakutsi diren artxiboko material eta dokumentuen sorta zaindu bat ere.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.