4 azaroa 2021
Sharon Lockhart. Errotazioa notazioa
- Datak: 2021eko azaroaren 4tik 2022ko otsailaren 27ra
- Komisarioa: Manuel Cirauqui
- Film & Video aretoa (103)
2021eko azaroaren 4tik 2022ko otsailaren 27ra, Guggenheim Bilbao Museoak Sharon Lockhart. Errotazioa notazioa izango du ikusgai, 2021ean Film & Video aretoan egingo den hirugarren eta azken erakusketa. Areto horretan, hainbat diziplinatako funtsezko piezak jartzen ditu erakusgai Museoak: bideo-artea, ikus-entzunezko instalazioak zein mugimendudun irudia arte-hizkuntza gisa darabilten lanak.
Oraingoan, Sharon Lockhart (1964, Norwood, AEB) artistaren bideo-instalazio bat eta zenbait argazki egongo dira ikusgai, Noa Eshkol (Kibbutz Degania Bet, 1924–Holon, Israel, 2007) koreografo israeldarra hil eta gutxira Lockhartek haren lanak ezagutu zituen garaian oinarritutakoak. Aurkikuntza horren ondorioz, Lockhart giza mugimendua formalki aztertzen hasi zen, eta bere lanaren lankidetza-dimentsioa ere areagotu zuen, Eshkolenaren moduko praktika polifazetikoan murgildu baitzen; hala, praktika horren interpretazioa kolektibotasunaren menpe dago hein batean.
Sharon Lockharten lanak arreta berezia jartzen du giza jardueran eta hura antolatzeko moduan, nola sozialki hala indibidualki. Haren filmek lana, kirola, haur-jolasak zein koreografia bezalako arloak dituzte aztergai, eta itxuraz sinpleak diren mugimenduen konplexutasunari eta sakontasun poetikoari heltzen diete bereziki. Haren obrak soilak eta aitzakiarik gabekoak dira; behaketa-ariketak, non dokumentatze hutsak argi uzten duen mundua egon badagoela. Lentea geldirik uzteak agerian jartzen du gaur egun objektibotasun teknikoa lortzeko asmoa dagoela; hala, badirudi erakusten diren egoerak beren burua filmatzen ari direla.
Bidali mezu bat xehetasun guztiekin helbide honetara: media@guggenheim-bilbao.eus
Mezuan informazio hau jarriko da: grabazio-mota, eguna, ordua eta iraupena, zein den grabazioaren helburua (eraikina, erakusketak), elkarrizketa behar duen edo bestelako informazio interesgarria.
Behin eskaera onartuta, Museoak taldea osatzen duten kide guztiei buruzko datuak jasoko ditu, filmazioa egin aurretik.
Ikus-entzunezko produkzioetan Museoaren irudia erabiltzeak tarifa bat izan dezake. Eskaera bakoitza Irudi Batzordeak aztertuko du. Eskaera baten berrikuspena 3 egun baliodunetik 2 astera arte luza daiteke. Saioak aldez aurretik planifikatzea gomendatzen dugu.
Irudiak lortzeko, sar zaitez hemen eta deskargatu materiala. Premiazko eskaeretarako, posta elektronikoaren bidez edo telefonoz jar zaitezke harremanetan.
Irudiak beren egilearen izenarekin erreproduzitu behar dira, distortsionatu, mutilatu edo aldatu gabe. Irudi horiei beste erabileraren bat eman behar bazaie, Museoaren berariazko baimen idatzia beharko da.
Informazio guztia web orrialdeko Prentsa sailean eskura daiteke, erakusketen atalean.
Prentsa-txartela aurkeztu behar baduzu Museoko leihatiletan, sarrera doan eskuratuko duzu. Kontuan izan kazetariei Museoa doan bisitatzeko aukera ematen zaiela, museoaren jarduerei, ekitaldiei eta erakusketei publizitatea ematearen truke.
Bidali mezu bat hedabideari eta kazetariari buruzko informazio osoarekin media@guggenheim-bilbao.eus helbidera.