Igeldo Mendia
Donostia, Euskadi
Haizearen Orraziaren gainean, Igeldo mendia dago. Bertara autoz igo gaitezke –baserrien ondoan pasatuz eta itsaso zabala errepidearen albo batean dugula- edo funikularrez. Gailurra talaia paregabea da hiri osoa ikusteko eta euskal kostaldeko panoramikarik hoberenetakoa.
Bertan Dorrea aurkituko dugu, alegia, egurrezko itsasargi zahar bat, bertako bizimodua eta ohiturak biltzen dituen erakusketa bat duena. Eta, baita ere, Igeldoko Jolas-parke ezaguna. 1912. urtean hasi zuen bere ibilera, eta gaur egun, hasierako atrakzioak eta atrakzio modernoak ikus ditzakegu bertan. Parkeak, gainera, aukera ematen du urtebetetzeak eta talde bisitaldiak egiteko.
