Jauregi, Koldobika

Urriaren 11n jaio zen Alkizan (Gipuzkoa).

Eskulturari buruzko interesa agertzen hasi zen modu autodidaktan eta Jesús Gallego pintorearen laguntzaz. Donostiako IV. Sariketa Gaztea lehiaketara pieza bat aurkeztu eta Lehenengo saria irabazi ondoren, eskultore izatea erabaki zuen.

Gipuzkoako Artista Berrien Lehiaketan aukeratu zuten (Donostia).

Lehenengo bakarkako erakusketak egin zituen Elduain eta Lizartza herrietan (Gipuzkoa).

Ertibil 83 sariketan hautatu zuten.

Bere lan bat Donostiako Martutene auzoan instalatu zuten.

Gipuzkoako Aurrezki Kutxa Probintzialaren Erakusketa Aretoan egin zuen erakusketa (Donostia).

Bulgariako nazioarteko sinposio batera bidaiatu zuen Eusko Jaurlaritzaren Bidaiako Diru Zorro bat erabiliz. Haren lanen erakusketa bat inauguratu zen Caja Laboral-Euskadiko Kutxaren Aretxabaletako Kultura Aretoan eta Euskal Herriko beste herri batzuetako aretoetara eraman zuten gero. Máximo Ramos Nazioarteko Grabatu sarian parte hartu zuen (Ferrol).

Gipuzkoako Foru Aldundiaren beka bat eskuratu zuen Carrarara bidaiatzeko (Italia); bertan, marmolezko eskultura ezagutzen hasi zen.

Eibarko Udal Kultura Aretoan egin zuen erakusketa.

Zaldiak deitutako erakusketa egin zuen Errenteriako Xenpelar Etxean. Galería Vanguardian erakutsi zituen lanak (Bilbo).

Eskulturak erakutsi zituen Nizako Palais des Expositions de la Foire d’Art Contemporainen. Haren eskultura-lanaren erakusketa bat egon zen erakusgai Balmasedako Udal Ateneoaren Erakusketa Aretoan. Eduardo Chillidaren Zabalaga Beka jaso zuen.

Donostiako San Telmo Museoak bere obraren erakusketa garrantzitsu bat egin zuen.

Hainbat erakusketa egin zituen Iruñeko Kribia Galerían, Bilboko Galería Vanguardian, Valladolideko Galería Delpasajen eta Donostiako Galería Olaetxean.

Bilboko Rekalde Aretoak Lan-prozesuak erakusketa egin zuen. Galería Olaetxean berriz egin zuen erakusketa Donostian. Formas en crecimiento eskultura-multzoa egin zuen Lasturgo Gris Duquesa kareharriz Eusko Jaurlaritzaren mandatuz.

Gijongo I Trienal de Arte Gráficon parte hartu zuen. Haritz-zurez egindako Baserriaren barneko zuhaitza eskultura instalatu zuten Legorretako Udalaetxearen aurrealdean (Gipuzkoa).

Düsseldorf-era lekualdatu zen bost urtez eta, bertan, Museum Insel Hombroichen artista gonbidatu bizi izan zen Arte y naturaleza deitutako proiektu esperimental batean. Haren bidez, beste artista eta musikari alemaniar batzuekin batera bizi zen, eta Ekialdeko filosofiak ikasten hasi.

IKB Deutsche Industriebank-ek bere zurezko hiru pieza instalatu zituen Düsseldorf-eko egoitza berrian.

Tolosako Aranburu Jauregian erakutsi zituen lanak (Gipuzkoa). Juan Manuel Lumbreras galerian erakusketa bat egin zuen (Bilbo), eta bertan egongo da erakusgai behin eta berriz hurrengo urteetan. Haren obra Kuntsverein Braunschweig-eko Jahresgaben erakusketan egon zen ikusgai (Alemania). Lemoatx harrobiko birgaitze-lanak egin zituen: La memoria de la montaña , Lemoako Udalaren mandatuz (Bizkaia).

Galerie Baukunst-en erakutsi zituen lanak (Kolonia). Bere lanak Würth Museum-eko Spanische Kunst am Ende des Jahrhunderts erakusketan egon ziren ikusgai (Künzeslau, Alemania).

Bodenburg Jauregian egindako eta Bodenburgeko Kunstverein Bad Salzdetfurth-ek antolatutako Arche erakusketa kolektiboan parte hartu zuen (Bodenburg, Alemania). Memoria arbórea eskultura-multzoa instalatu zen Barakaldon (Bizkaia).

Donostiako Galería Artekon eta, berriz, Bilboko Galería Juan Manuel Lumbrerasen erakutsi zuen bere obra grafikoa.

Donostiako Inasmet Fundazioan egon zen erakusgai, Prozesuaren estetika izenburupean. Erakusketa bana egin zuen Donostiako Ekain Galerian eta Bilboko Juan Manuel Lumbrerasen. Feria de Arte Gráfico Estampan parte hartu zuen (Madril).

Chillidaren omenez eskultura-multzoa egiteko egitasmoa sortu zuen Cabildo de Fuerteventuraren mandatuz. Setioa I eskultura-saila egin zuen eta Guggenheim Bilbao Museoak bere Bildumarako erosi zuen hurrengo urtean.

Ekain Galerian eta San Bizenteko klaustroan erakutsi zituen lanak (Donostia). Erakusketa bana egin zuen Donostiako Galería Kur-en eta Ordiziako Barrena Kultur Etxean.

Ekialdeko motiboetan inspiratutako eskultura eta lan grafikoak erakutsi zituen Bilboko Galería Juan Manuel Lumbrerasen eta, Altzürükü izenburupean, Donostiako Ekain Galerian. Erakusketa bana egin zituen Madrilen: Arte Contemporáneo eta Xanon Galería de Arte galerietan.

Aire zabaleko eskultura-erakustaldi bat egin zuen Tolosan (Gipuzkoa) eta Zarauzko Galería Ispilu Arten erakutsi zituen lanak. Bere obra Hitz zizel / Zizela hitz erakusketan egon zen ikusgai, Kursaal Jauregiko Kubo Aretoan.

Guggenheim Bilbao Museoak Laborategiak. Bilduma iraunkorrari begira: Koldobika Jauregi erakutsi zuen. Gero, bere obra Juan Luis Morazak museo berean komisariatutako Ezezagunak. Euskal Herriko arte garaikidearen kartografiak erakusketan egon zen ikusgai. Figura humana y abstracción erakusketan parte hartu zuen Würth Museo La Rioja-n (Agoncillo).

Donostiako Ekain galerian erakutsi zituen lanak bakarka Bidaia izenburupean.

UR MARA izeneko espazio esperimentala sortzeari ekin zion, eta bertan bat egin zituen artea, etnografia (giza sorkuntzak) eta natura. Espazio horretan iraunkorki eta aire zabalean erakusten da artistaren eskultura-sorta bat, baita azken lanen aldizkako erakusketak ere. Bestalde, «prozesuan» ikusi ahal izan ziren Koldobika Jauregiren interbentzioak, bai karelabeen inguruko harrobian bai UR MARAko beste zenbait lekutan ere. Naturaldia10en parte hartu zuen ekitaldirako kartel bat eginez eta instalatuz Tolosako Kultur Etxean. José Luis Zumeta eta Juan Luis Goenagarekin batera, Zarauzko Ispilu Arte galeriak antolatutako erakusketa batean parte hartu zuen.

Artea Oinez11 erakusketa ibiltarian parte hartu zuen, Nafarroa Oinez ekitaldiaren barruan.

Bilboko Grabatuaren Nazioarteko Azokan (FIG) jarri zuen ikusgai bere obra; bertan, gainera,  Naturaleza del grabado hitzaldia eman zuen, naturan utzitako aztarnari buruzko hausnarketa bat.
Gernika bonbardatu zutenetik 75 urte beteko zirela-eta, tapiz bat sortu zuen, besteak beste.

Geografía del signo proiektuaren barruan, Casa Falconieri etxeak (Sardinia) nazioarteko tailer bat ematera gonbidatu zuen, naturan uzten dugun aztarnari buruzkoa.

William Shakespeare ─ Sonetoak liburuaren euskarazko bertsioko ilustrazioak egiteaz arduratu zen, Mikel Laboa katedrari esker.
Diziplina anitzeko arte-ekintzen proiektua jarri zuen martxan: SKEfimeoak.

Escultura Española. Siglos XX–XXI erakusketan hartu zuen parte Marlborough galerian (Madril); Kosme de Barañano izan zen erakusketaren komisarioa.

Euskararen Eguna zela eta, Txantxangorria performancea egin zuen Guggenheim Bilbao Museoko Entzungelan.

Produkzio diseinatzaile gisa hartu zuen parte Telmo Esnalek zuzendutako Dantza filmean.

Baionako eta Mauleko eremu publikoetan instalatu ziren haren obrak.