Animaliak eta landareak marrazten

Artista: Maider López
Teknika: Argazkilaritza, eskultura eta arte-ekintza
Ikastetxea: Zuhaisti ikastetxea
Ikasturtea: 2011–12
Arloak eta loturiko gaiak: Ingurunearen Ezagutza eta Hizkuntza eta Literatura
Irakaslea: Arantza Cruz

Helburuak:

Idazteko modu berriak aurkitu, ludikoak eta sormenezkoak, eta psikomotrizitatearekin zerikusia duten gaiak landu (gorputzarekin marraztea, espazioan mugitzea...), bai eta taldearen artean elkarrekintza bultzatu.

Materialak:

EVA kartoi mehea, kartoi mehea, guraizeak, zeloa, argazki kamera, objektuak eta gelako altzariak.

Proiektua:

  1. Animalien eta landareen izenak bilatu behar dituzte hiztegian edota entziklopedian, baita haien irudiak ere kontsultatu liburuetan eta Interneten.
  2. 3 ariketa proposatu, bildutako informazioari buruz idatz eta marraz dezaten.
  3. Lehendabizi animalien izenak eta siluetak eguneroko objektuekin marraztu.
  4. Horretarako gelako edozein objektu edo altzari (mahaiak, arkatzak, estutxeak…) erabili; horrela plastikarako material bihurtzen dira eta marrazteko “paper" bihurtzen da gela.
  5. Jarduera honek eskalan pentsatzea, espazioa antolatzea dakar berekin; proportzioak eta ikuspegia aintzat hartzea.
  6. Zenbaitetan, altuera jakin batetik begiratu behar zaie zoruan edo mahai baten gainean zabaldutako objektuak “irakurtzeko”.
  7. Marrazkiei argazkiak atera, enkoadraketa, ikuspegia... kontuan hartuz.
  8. Bigarren idazmen-ariketa batean, ikasle bakoitzak hiru dimentsioko letra bat fabrikatu behar du hainbat kartoi mehe orekan jarri eta zeloz erantsiz.
  9. Bakarkako lana bateratu gero, letrak batuz hitzak sortzeko.
  10. Idazteko modu berri horri argazkiak atera.
  11. Gero, ikasle bakoitzak EVA kartoi mehean ebakiko ditu tokiko hainbat zuhaitz-moten hostoak.
  12. Hostoak baso kolektibo batean bildu.
  13. Euren gorputzak ere sorkuntzarako material bihurtuko dira: zuhaitz ibiltari baten enborra izan daitezke edo lurrean etzanda marrazki baten zati bihur daitezke, airetiko ikuspegi batetik bakarrik uler daitekeena.
  14. Ekintzen argazkiak atera