Manifestua

Artista: Naia del Castillo
Teknika: Pintura, argazkia eta ekintza artistikoa
Ikastetxea: Judimendi LHI
Maila: 3
Arloak eta arloari lotutako gaiak: Elkarbizitza eta Euskara eta Literatura
Irakasleak: Isabel López eta Karmele Paz

Helburua:

Ikasleen arteko elkartasuna eta errespetua sustatzea.

Materialak:

Papera, tenperak, pintzelak, koloretako jertseak, kamisetak, argazki-kamera, guraizeak.

Proiektua:

Taldeari manifestu bat idaztea proposatu zitzaion, asmoen aldarrikapen bateratu bat, dadaisten eta futuristen artista-taldeen antzera.
Ikasleek helburuen, baloreen eta interes komunen adierazle ziren hitzak adostu zituzten.
Ikasleek euskarazko alfabetoaren letrak "sortu" zituzten, beren gorputza erabiliz.
Letra bakoitzeko, ikasle batek proiektu-zuzendariarena egin zuen eta aukeratu egiten zituen bai pertsona-kopurua bai erabili beharreko koloreak, gorputzek alfabetoko letra bat osa zezaten eta argazkia atera ziezaioten.
Prozesuan, gaitasun psikomotorrak landu zituzten, jolasaren eta sormenaren bidez.
Letrek manifestua idazteko balio zuten.
Manifestuaren kontzeptu idatziak kamiseten gainean inprimatu zituzten mezua zabaltzeko.
Manifestuko kontzeptu bakoitzaren marrazki bat egin zuten ikasleek, ideia konplexuak irudi sinpleen bidez laburbiltzen eta adierazten ikas zezaten. Irudi bat ematen zaionean, kontzeptuaren ulermenean sakontzen da.
Manifestua taldean antzeztu zuten, kontzeptuen erakusle diren keinu eta mugimenduez.