Paisaia aldakorra

Artista: Ainhoa Ortells
Teknika: Pintura
Ikastetxea: Lamuza LHI, Laudio
Maila: 1.a
Erlazionatutako eremuak:  Ingurunearen Ezaguera
Irakaslea: Itxaso Betes

Helburua:

Curriculumeko gaien (kasu honetan paisaiaren azterketa) beste bertsio bat ematea.

Materialak:

Arkatzak, 4 kartoi mehe handi, kalko-papera, guraizeak, koloretako paperak, apaindurarako harritxoak, kola, tenperak eta pintzelak.

Proiektua:

  1. Ikasleei urteko hainbat sasoitan paisaia bera pintatzeko eskatu zieten.
  2. Urtaroen aldaketarekin zer aldatzen den eta zer ez begiratu behar zuten.
  3. Paisaia eskematiko bat marraztu zuten eta lau horma-iruditara eraman kalko-paper bidez.
  4. Lau horma-irudiek toki bera irudikatu behar zuten, baina hilabete diferentetan: euria ari duenean eta eguzkia irteten denean ostadarra azalduko da, udazkena hosto lehorrez betetzen da, elurrak guztia zuritzen du…
  5. Ikasleak taldetan banatu zituzten. Talde bakoitzak horma-irudi bat pintatu zuen. Koloreak aukeratzeko, beroak zein hotzak, urtaro bakoitzari dagozkionak aztertu zituzten.
  6. Paisaien azaleretan testurak erantsi zituzten: koloretako paperetan moztutako orriak itsatsiz edo apaindurarako harritxo zurien bitartez elurraren edo izotzaren itxurak eginez.