Zer dago zeruan?

Artista: Maider López
Teknika: pintura eta performancea
Ikastetxea: Leka Enea-Anaka HI (Irun)
Ikasmaila: 2.ena
Ikasgaia: Ingurunearen Ezaguera
Ikaslea: Begoña Alkalde

Helburua:

Curriculumeko gaietako batzuk beste ikuspegi batetik lantzea, besteak beste, eguzki-sistema; planeten izenak eta ezaugarriak ikastea; eta Lurraren eta Ilargiaren errotazioak modu praktikoan ikastea, ikusteko nola sortzen diren eguna eta gaua eta zergatik urtaroek ordena hori duten.

Materialak:

Bideo-kamera, arkatzak, kartoi mehe handiak, 120 cm-ko altuerako kartoi zati bat, tenperak eta pintzelak.

Proiektua:

Eguzkia, Lurra eta Ilargia irudikatu zituzten koloretako kartoi mehe handietan.
Irudiak ebaki zituzten; zirkuluak egitean eta moztean astroen arteko tamaina aldea eskalan gorde zuten.
Lurrak Eguzkiaren inguruan egiten dituen mugimenduak eta Ilargiak Lurraren inguruan egiten dituenak antzeztu zituzten.
Ikasleek, bakoitzak zegokion astroaren kartoi mehea buru gainean, patioan errotazio eta translazio mugimenduen saioak egin zituzten.
Bideo-kamera batez, goitik grabatu zuten koreografia.
Eguzkiaz eta Ilargiaz gain, Eguzki-sistemako planetak irudikatzea proposatu zitzaien.
120x 120 cm inguruko kartoi zatietan bederatzi horma-irudi egin zituzten, planetak eta Eguzkia irudikatzeko.
Margoa lehortu zenean, haurrek kartoi bana hartu zuten; irudikatutako planeta bihurtu ziren horrela.
Kartoiaren barruan zeudela, planeten mugimenduak eta orbitak entseatu zituzten.
Perfomance ekintza grabatu zuten bideoz; horretarako talde-lana beharrezkoa izan zen eta gorputzaz eta mugimenduaz baliatu ziren.