image
Iragandako erakusketa

Lynette Yiadom-Boakye. Halako ilunabar bizirik

2023.03.31 - 2023.09.10

Lynette Yiadom-Boakye (Londres, 1977) artista eta idazle britainiarra zorion, konplizitate eta bakardade uneetan irudikatzen dituen pertsonaia atenporalen margolanengatik da ezaguna. Olio-pinturazko obra oparoak sortzen ditu mihisearen edo liho landugabearen gainean, eta, pintzelkada soltez, fikziozko pertsonaiak irudikatzen ditu, atzean aparteko hondoak dituztela. Artistak ez ditu hezur-haragizko modeloak erabiltzen; aitzitik, hainbat iturritatik tiraka osatzen ditu figurak; adibidez, ebakinak, marrazkiak, oroitzapenak eta eguneroko bizitzako behaketa hartzen ditu oinarri gisa. Jantziei, zapatei (edo haien gabeziari) eta bestelako xehetasunei erreparatu arren, ez da posible pertsonaiak denbora eta espazio zehatzetan kokatzea. Margolanek, bada, gelditu eta arretaz behatzera bultzatzen gaituzte, artistak ehundutako fikziozko kontakizun piktorikoetan barneratzera. Lanen izenburu poetikoek gogoeta eragiten dute, eta ideia bat indartzen dute: margolanen interpretazioa, neurri handi batean, behatzailearen irudimenaren araberakoa dela, alegia.

Halako ilunabar bizirik erakusketak 2020 eta 2023 bitartean egindako margolanak eta ikatz-zirizko marrazkiak biltzen ditu: jendaurrean lehen aldiz ikusgai jarriko diren 70 obratik gora. Horrenbestez, giza esperientzia islatzen duten margolan iradokitzaileak lantzen dituen artistaren jardunaren haria ezagutzeko aukera bikaina eskaintzen digu erakustaldi honek. Azken aldian, ikatz-zirizko marrazkietara itzuli da Yiadom-Boakye, eta teknika horren eskala intimoak eta inprobisazio-itxurak berehalakotasun-kutsua ematen die irudi horiei. Marrazkiak eta margolanak elkarren aldamenean ikusita, argi geratzen da artistak berebiziko abileziaz jorratzen dituela euskarri ezberdinak.


Honako erakusketa hau Lynette Yiadom-Boakyeren marrazkien eta margolanen artean gertatzen diren hartu-emanei erantzuteko sortua da. Lau aretok osatzen dute, eta bisitaldia horietako edozeinetatik has daiteke; ibilian-ibilian, Halako ilunabar bizirik erakusketak bereizgarri dituen trazuak, keinuak eta hausnarketak ikusi ahalko dituzte bisitariek. Gainera, playlist bat izango dute eskuragarri, artistak berak erakusketarako berariaz aukeratutako kantuz osatua lanerako inspirazio dituen iturriei buruzko testuinguru zabalagoa eskaintzeko helburuarekin.

Aretoak: 201, 202, 203, 204, 208
Komisaria: Lekha Hileman Waitoller

Lynette Yiadom-Boakye
Divine Repose, 2021
Olioa liho gainean
90 x 85 x 3,6 cm
Courtesy the Artist, Corvi-Mora, London, and Jack Shainman Gallery, New York

Bisita birtuala

Lynette Yiadom-Boakye. Halako ilunabar bizirik erakusketa ezagutzeko bisita birtualaz gozatzera gonbidatzen zaitugu. Ibilbide honek erakusketan dauden artelan eta azalpen-testu guztiak barne hartzen ditu.
HASI
Visita Virtual Lynette JPG

Erakusketa

Hamaika mehatxu

Lynette Yiadom-Boakye
Hamaika mehatxu (Many Menaces), 2022
Olio-pintura mihise gainean
65 × 90 cm
Eskaintza: artista, Corvi-Mora, Londres, eta Jack Shainman Gallery, New York

Lynette Yiadom-Boakye
8 de la tarde, domingo de diciembre (8pm December Sunday), 2022
Óleo sobre lienzo
200 × 130 × 3,7 cm
Cortesía de la artista, Corvi-Mora, Londres, y Jack Shainman Gallery, Nueva York

8 de la tarde, domingo de diciembre (8pm December Sunday), 2022

ERAKUSKETA BIDEOA

Dokumentala

Museoan

0049 Galerías Lynette Yiadom Boakye scaled
0040 Galerías Lynette Yiadom Boakye scaled
0038 Galerías Lynette Yiadom Boakye scaled
0036 Galerías Lynette Yiadom Boakye scaled
0033 Galerías Lynette Yiadom Boakye scaled

Partekatu