Art & Music. Travis Birds

ART & MUSIC sortu da Museoko Atrio ikonikoaren barruan hainbat diziplina artistiko uztartzeko eta zure lagunekin abangoardiako sortzaileen erakusketez eta kontzertuez giro esklusiboan eta zure kasara gozatzeko. Art & Music, egin dantza  eta ondo pasa!

Ordua: 20:30 (Museoa bisitatzeko irekiera); 22:00 (kontzertuaren hasiera)

Kontzertu-egunetan, Atrioan taberna bat egongo da 20:30etik aurrera, edari eta pintxoekin (Txartelaren prezioan ez dago zerbitzua).

2023ko otsailak 17, ostirala

TRAVIS BIRDS

2021ean, Travis Birds abeslariak ‘La Costa de los Mosquitos Tour’ kaleratu zuen, bere bigarren lan diskografikoa.

Disko honekin, haren logelara, haren barne-mundura, gerturatu ahal izan ginen: ñabarduraz, kolorez, ehunduraz,… betetako gela, barrutik mugiarazten zaituzten abestiez betetako diskoa sortu zuen gela, oilo-ipurdia jartzea lortzen duena.

Diskoak iragana eta geroa markatu ditu abeslariaren ibilbidean, zeinetan mugarri handiak ere egon baitira. ‘Coyotes’-ekin arrakasta handia lortu zuen, ‘El Embarcadero’ seriearen hasierako abestia; Joaquín Sabinaren ‘19 días y 500 noches’en bertsio zoragarria egin zuen, Benjamín Pradorekin batera; eta Sky Rojoren soinu-bandan sartu zen –Netflix-eko seriea— ‘Thelma y Louise’ abestiarekin. Orain, Madrilgo artista errepidera aterako da ‘La costa de los mosquitos tour’-ekin, Travis Birds-en iruditeriak eskaintzen duen guztia transmititzeko emozio horiek guztiak zuzenera eramaten dituen bira. Gainera, 2022an zehar aurkeztutako single berriez gozatzeko aukera izango dugu; hau da, haren ibilbidean aurretik inoiz ikusi gabeko dimentsioak lortzera eraman duten abestiak.

Hori guztia dela-eta, talentu adierazgarri izugarria eta egungo musika-panoramako ahotsik bereizgarriena izanik, merezi du bere arteaz zuzenean gozatzea. Jaun-andreok, zuekin guztiekin, Travis Birds.