Baby Art: Paisaia gara

Jarduera hau estimuluz jositako jolaserako gune moduan sortu da, eta haurtxoen eta haien familien arteko interakziora bideratuta dago, elkarrekin aztertu ahal izateko Museoaren Bildumako obrak. Oraingo honetan, tailer murgiltzaile batean sartuko gara buru-belarri, laku baten erdian ilunabarra irudikatzen duen eszenografia bat sortzeko, eta lurraren, hostoen, zeruaren, uraren eta haien islen koloreak baliatuko ditugu horretarako. Parte-hartzaileak eurak ere bihurtuko dira paisaiaren parte. Naturaren testurak eta koloreak ikertzeko espazioa izango da, eta zentzumen guztiak piztu ahal izango ditugu bertan: ukimena, dastamena, entzumena zein ikusmena.

Abenduak 2, larunbata, eta abenduak 3, igandea: 12–24 hilabete (gaztelaniaz)
Abenduak 9, larunbata, eta abenduak 10, igandea: 24–36 hilabete (gaztelaniaz)
Abenduak 16, larunbata, eta abenduak 17, igandea: 6–12 hilabete (euskaraz)

Iraupena: 2 ordu
Adina: 6–36 hilabete
Hizkuntzak: gaztelania eta euskara