Irudi digitaleko ikastaroa: begiratzen ikasi

Ikastaro honetan, irudi digitalaren bidez istorioak kontatzen ikasiko dugu, argazkigintzaren erabilera sortzailea eta aktiboa sustatzearekin batera. Hartzen gaituzten irudien aurrean begirada kritikoa izatea garatu nahi da, errealitatea hautemateko dauden ikuspegi desberdinen inguruan hausnartuz.

Irudi finkoarekin hasiko gara, mugimenduan dagoen irudia prozesu batean txertatzeko. Horrela, argazkigintzari buruzko kontzeptu errazak ikasiko ditugu; hala nola, konposizioa, enkoadratzea, argia, paisaia edo herenen erregela…

Talde-lana bultzatuko da gure irudiak planifikatzeko eta asmatzeko orduan, planteatutako gaiei sormen-irtenbideak emanez eta jolasa, esperimentazioa eta sormena erabiliz. Yoshitomo Nara, Anthony McCall eta Paul Pfeiffer artisten erakusketak bisitatuko ditugu inspirazioaren bila.

Ikastarora telefono mugikorra edo tableta ekar ahal izango dira argazkiak egiteko, baina kamerak ere egongo dira horiek erabiltzea nahiago dutenentzat.

Jardueran izena emateko, tailerretan irudiak hartzeko baimena onartu behar da. Baimen hori tutoreei bidaliko zaie, jarduera hasi aurretik sina dezaten.

Ikastaroa urritik maiatzera bitartekoa izango da, eta tailer progresibo batzuk egingo dira; hasierako seiek jarraipena izango dute 2025eko urtarrilean.

Nork emango du: Borja Gomez eta Aitziber Aguirre.
Adina: 9–12 urte
Ordutegia: 10:15–11:45
Iraupena: 90 min.
Hizkuntza: bi hizkuntzatan (gaztelaniaz eta euskaraz)
6 igande, urriaren 13tik azaroaren 17ra:

Urriak 13, igandea: Ikusi, kliskatu, begiratu

Begirada begian hasten da, baina alde handia dago begiratzearen eta ikustearen artean. Museoa eta bertako obrak ezohiko angeluetatik ezagutuko ditugu, zatia eta xehetasuna jaso nahirik.

Urriak 20, igandea: Pixela

Zerez egina dago irudi digitala? Pixela irudi digitalaren gutxieneko unitatea da. Begiradaren inguruko hausnarketa egingo dugu, Yoshitomo Nara artistaren obrarekin lotuta.

Urriak 27, igandea: Irudi bat eraikitzea

Irudiak eraikitzeko jolas kolektibo dibertigarriek inprobisazioa eta bat-batekotasuna sustatuko dituzte.

Azaroak 3, igandea: Mundua zure eskuetan

Egia al da ikusten dugun guztia? Handia dena txiki egin dezakegu eta txikia dena handi argazkiaren bidez.

Azaroak 10, igandea: Argazkiek istorioak kontatzen dituzte

Koloreak, formak, konposizioak eta argiak adierazi nahi duzun hori argazkian islatzen lagunduko dizute.

Azaroak 17, igandea: Mugimendua

Nola agertzen da mugimendua irudi finko batean? Mugimendua harrapatzeko argazkigintza erabiltzen ikasiko dugu.