Jolas-esperientziak. Pieza solteekin jolastuz

Harridurak, arteak eragin dezakeen emozioak, gidatuko du pieza solte eta manipulagarriekin egindako instalazioak aurkezten dituen jarduera hau. Museoaren Bildumako artelanetan oinarritutako konfigurazio horiek jolasaren unibertso ez-gidatu bat planteatzen dute, eta eguneroko objektuek dimentsio berri bat hartzen dute beren funtzioaz haratago.

Zer aurkituko duzu aretoan? Hainbat instalazio artistikok objektu ezagun batzuk —begiztak, kaxak, oihalak, alanbreak, ontziak— esploratzera eta manipulatzera gonbidatuko zaituzte, eta, horrela, jolas amaigabe eta porotsu bat sortuko da. Modu horretan, dena eraldatu egingo da ingurunearekin, beste parte-hartzaile batzuekin eta eskura dituzun elementuekin elkarreragiten duzun heinean.

Pertsona bakoitzak instalazioak askatasunez aldatu ahal izango ditu. Play matters, jokoak garrantzia du: ideia horrek nabarmentzen du jolasak banakoa eta momentukoa gainditzeko ematen duen gaitasuna.

Ekimenak aukera eskaintzen du gizakiak aldagaiak zalantzan jartzeko eta sortzetiko jakin-mina”Eta… bada?” batekin elikatzeko  duen joera askatzeko, eta, aldi berean, gure alderdirik irudimentsuena Museoa bezalako  esparru hain bizigarrian zabaltzera animatzen gaitu.

Proposamen iragankorra da, unean bertan gertatzen da, eta ez da obra batean gauzatzen.  Beraz, ikerketa- eta sorkuntza-prozesuaz goza dezakezu zure erritmoan eta jolasetik datorren irakinaldi kolektiboaren sentsazioaz ere bai.

Nork emango du: VACA rules!

Ordutegia:

10:15–11:45: 3-5 urte arteko taldea (familian).

12:15–13:45: 6-10 urte arteko taldea.

Iraupena: 90 min.