Marrazten ikasiz II

Marrazteak pentsatzen laguntzen digu. Haurrentzako ikastaroaren azken zatian, marrazketak gure ingurua hautemateko eskaintzen dizkigun aukerak aztertuko ditugu; era berean, marrazkia praktikatuz munduarekiko harreman berri bat ezar dezakegula ikusiko dugu.

Hasteko, errealitatea marrazkiaren bidez nola hauteman dezakegun pentsatuko dugu. Marrazteak geldiarazten laguntzen digu, beste era batera behatzeko, gure begirada zabalduz. Saio hauetan gauzen egitura marraztuko dugu, horien azaleko itxuratik haratago, edo marrazkia erabiliko dugu gure irudimenak eskaintzen dizkigun irudiak proiektatzeko.

Emaitzak harrigarriak eta oso dibertigarriak izango dira ziurrenik. Ikastaroan zehar, hainbat teknika erabiliko dira; nola diren ikatz-ziria, akuarela edo errotuladoreak, eta margotzeko hainbat euskarri erabiliz esperimentatuko dugu.

Nork emango du: Raúl Domínguez Pazo

Hirugarren hiruhilekoa: apirilaren 20tik maiatzaren 25era

Apirilak 20: Marrazten pentsatu

Nola ikusaraz ditzakegu gure ideiak eta pentsamenduak? Gertatzen zaiguna, sentitzen duguna eta gertatzea nahi duguna islatzen saiatzeko marraztuko dugu.

Apirilak 27: Ikusi eta egin

Museoko aretoetan barrena gabiltzan bitartean, marraztu egingo dugu. Normalean, erakusketa batera artelanak ikusteko asmoarekin sartzen gara, baina nola aldatzen da ikusgai dauden piezen pertzepzioa begiratzen ditugun bitartean horiek marrazten hasten bagara?

Maiatzak 4: Azalera eta egitura

Gauzen gainazalari begiratuz, horien barrualdea sumatzen hasiko gara. Oihal baten atzean zer ezkutatzen den imajinatuko dugu, txori baten eskeletoa nolakoa izan daitekeen edo eraikin bateko hormen atzean zer dagoen.

Maiatzak 11: Irudimenezko lekuen mapak sortzen

Hiri baten bizitzea gustatuko litzaiguke, eta guk hiri hori diseinatuko dugu, planeta ezezagun bat edo, besterik gabe, marrazten duzun bitartean zure hatzetatik sortzen den lurralde bat.

Maiatzak 18: Ohiz kanpoko elkartzeak: Frottage teknika

Frottage teknikak hainbat objektu eta gainazalaren testura erreproduzitzeko aukera ematen du. Formak eta bilbeak gainjarriz, geure konposizio harrigarriak sortuko ditugu.

Maiatzak 25: Musika ikusi, marrazkia entzun

Soinuak eta musika-konposizioak bisualki irudika ote daitezke? Musikaren eta marrazkiaren arteko korrespondentziaren bidez, gure barne-esperientzia finkatzen ikasiko dugu trazua eta kolorea erabilita.